టాలీవుడ్ ఇండస్ట్రీలో ఒక వెలుగు వెలిగిన మ్యూజిక్ డైరెక్టర్లలో మణిశర్మ ఒకరు కాగా ప్రస్తుతం ఈ మ్యూజిక్ డైరెక్టర్ కు ఆశించిన స్థాయిలో మూవీ ఆఫర్లు రావడం లేదు. దేవిశ్రీ ప్రసాద్, థమన్ హవా పెరిగిన నేపథ్యంలో మణిశర్మకు ఛాన్స్ లు ఇచ్చేవాళ్లు కరువయ్యారు. అడపాదడపా ఆఫర్లు వస్తున్నా ఆ ఆఫర్లను సద్వినియోగం చేసుకునే విషయంలో మణిశర్మ ఫెయిల్ అవుతున్నారని కామెంట్లు వ్యక్తమవుతున్నాయి. ఇస్మార్ట్ శంకర్ సీక్వెల్ డబుల్ ఇస్మార్ట్ లో సంజయ్ దత్ నటిస్తున్నట్టు ఇప్పటికే అధికారిక ప్రకటన వెలువడిన సంగతి తెలిసిందే.
అయితే ఈ సినిమాకు మ్యూజిక్ డైరెక్టర్ ఎవరనే ప్రశ్నకు మాత్రం సమాధానం దొరకాల్సి ఉంది. మొదట మణిశర్మను ఈ సినిమా కోసం సంప్రదించగా ఆయన 2 కోట్ల రూపాయల రెమ్యునరేషన్ డిమాండ్ చేయడంతో మేకర్స్ వెనక్కు తగ్గారని తెలుస్తోంది. ఈ మొత్తం చాలా ఎక్కువని వాళ్లు ఫీలైనట్టు భోగట్టా. డబుల్ ఇస్మార్ట్ సినిమా కోసం మరి కొంతమంది మ్యూజిక్ డైరెక్టర్ల పేర్లను పరిశీలించగా వాళ్ల పారితోషికాలు కూడా భారీగానే ఉండటంతో ఈ చిత్ర నిర్మాతలు ఏం చేస్తారో చూడాల్సి ఉంది.
క్వాలిటీ మ్యూజిక్ కోసమే తాను 2 కోట్ల రూపాయలు డిమాండ్ చేశానని మణిశర్మ సన్నిహితుల దగ్గర ఆవేదన వ్యక్తం చేసినట్టు తెలుస్తోంది. పూరీ మణిశర్మ కాంబినేషన్ లో వచ్చిన సినిమాలలో ఎన్నో హిట్ సినిమాలు ఉన్నాయి. ఇస్మార్ట్ శంకర్ సినిమా సక్సెస్ లో మ్యూజిక్ కు ఉన్న ప్రాధాన్యత అంతాఇంతా కాదు. ఆ సినిమాకు మణిశర్మ మ్యూజిక్ డైరెక్టర్ అనే సంగతి తెలిసిందే.
ప్రస్తుతం మరో సినిమాకు ఆయనను కాకుండా మరొకరిని మ్యూజిక్ డైరెక్టర్ గా ఎంపిక చేయడం కూడా కరెక్ట్ కాదనే అభిప్రాయాలు వ్యక్తమవుతున్నాయి. డబుల్ ఇస్మార్ట్ సినిమాతో కచ్చితంగా సక్సెస్ సాధించాల్సిన బాధ్యత పూరీ జగన్నాథ్ పై ఉంది. ఈ సినిమాపై (Double Ismart) అంచనాలు అంతకంతకూ పెరుగుతున్నాయి.
ఆ హీరోల బ్యాక్ గ్రౌండ్ తెలిస్తే షాక్ అవుతారు..!
‘బ్రో’ తో పాటు ఈ వారం రిలీజ్ కాబోతున్న సినిమాలు/ సిరీస్ ల లిస్ట్
తమ్ముడి కూతురి పెళ్ళిలో సందడి చేసిన శ్రీకాంత్ ఫ్యామిలీ.. వైరల్ అవుతున్న ఫోటోలు!
Home