Jeevitha: ప్రముఖ నటి జీవితకు టోకరా.. ఏం జరిగిందంటే?

టాలీవుడ్ సీనియర్ స్టార్ హీరోయిన్లలో ఒకరైన జీవిత ప్రస్తుతం మీడియాకు దూరంగా ఉంటున్నారు. జీవిత డైరెక్షన్ లో తెరకెక్కిన శేఖర్ మూవీ పలు వివాదాల్లో చిక్కుకోవడంతో ఈ సినిమాకు ఆశించిన రేంజ్ లో కలెక్షన్లు రాలేదనే సంగతి తెలిసిందే. ఈ సినిమా ఏ ఓటీటీలో రిలీజ్ కాలేదు. రాబోయే రోజుల్లో కూడా ఈ సినిమా ఓటీటీలో విడుదలవుతుందో లేదో స్పష్టత లేదు. అయితే తాజాగా ఒక మోసగాడు జీవితను టార్గెట్ చేయగా ఈ విషయం ఆలస్యంగా వెలుగులోకి వచ్చింది.

కొన్ని వారాల క్రితం గుర్తు తెలియని వ్యక్తి జీవితకు ఫోన్ చేసి తన పేరు షారుఖ్ అని నేను మీ ఇంటికి ఇంటర్నెట్ కనెక్షన్ ఇచ్చానని చెప్పారు. ఆ వ్యక్తి కాల్ చేసిన సమయం జీవిత వేరే పనిలో బిజీగా ఉండటంతో తన మేనేజర్ తో మాట్లాడాలని ఆమె సూచనలు చేశారు. గుర్తు తెలియని వ్యక్తి మేనేజర్ తో మాట్లాడుతూ మీకు బంపర్ ఆఫర్ వచ్చిందని జియో సంబంధిత సంస్థలలో అమ్మే వస్తువులు మీకు కేవలం 50 శాతం డిస్కౌంట్ కు వస్తాయని చెప్పుకొచ్చారు.

ఆ తర్వాత దుండగుడు తాను చెప్పిన ఆఫర్ నిజమని అవతలి వ్యక్తులు నమ్మే విధంగా కొన్ని స్క్రీన్ షాట్లను షేర్ చేశారు. తాను షేర్ చేసిన స్క్రీన్ షాట్లలోని వస్తువుల ఖరీదు రెండున్నర లక్షల రూపాయలు అని ఆ వస్తువులను 1,25,000 రూపాయలకు పొందాలని అనుకుంటే ఆ మొత్తాన్ని తనకు పంపాలని సూచించారు. ఆ వ్యక్తి మాటలను నిజమని నమ్మిన జీవిత మేనేజర్ ఆ మొత్తాన్ని దుండగుడు చెప్పిన అకౌంట్ కు బదిలీ చేశారు.

మేనేజర్ డబ్బు జమ చేసిన తర్వాత షారుఖ్ అని పరిచయం చేసుకున్న వ్యక్తి ఫోన్ స్విఛాఫ్ కావడంతో పోలీస్ స్టేషన్ లో ఫిర్యాదు చేశారు. పోలీసులు చెన్నైకు చెందిన నాగేంద్రబాబు అనే వ్యక్తి ఈ మోసానికి పాల్పడ్డాడని గుర్తించారు. గతంలో కూడా నాగేంద్ర బాబు అవార్డుల పేరుతో పలువురిని మోసం చేశారని పోలీసుల విచారణలో తేలింది. సెలబ్రిటీలు, సామాన్యులు గుర్తు తెలియని వ్యక్తుల నుంచి వచ్చే ఫోన్ కాల్స్ విషయంలో అప్రమత్తంగా ఉండాలని పోలీసులు సూచిస్తున్నారు.

ఆహ నా పెళ్లంట వెబ్ సిరీస్ రివ్యూ& రేటింగ్!
గాలోడు సినిమా రివ్యూ & రేటింగ్!

మసూద సినిమా రివ్యూ & రేటింగ్!
సూపర్ స్టార్ కృష్ణ ట్రెండ్ సెట్టర్ అనడానికి 10 కారణాలు!