టాలీవుడ్ స్టార్ హీరోల సినిమాలన్నీ 200 కోట్ల రూపాయల కంటే ఎక్కువ బడ్జెట్ తో తెరకెక్కుతున్నాయనే సంగతి తెలిసిందే. స్టార్ డైరెక్టర్లు, పాన్ ఇండియా డైరెక్టర్ల డైరెక్షన్ లో నటించడానికి మాత్రమే టాలీవుడ్ స్టార్ హీరోలు ఆసక్తి చూపిస్తున్నారు. అయితే 2023 సంవత్సరంలో కొందరు స్టార్ హీరోల సినిమాలు రిలీజయ్యే అవకాశం లేదని కామెంట్లు వ్యక్తమవుతున్నాయి. ఈ హీరోల సినిమాల షూటింగ్ లు ఆలస్యం కావడం ఇందుకు ప్రధాన కారణమని చెప్పవచ్చు.
ఆచార్య సినిమా ఫ్లాప్ రిజల్ట్ ను అందుకోవడంతో దర్శకుడు కొరటాల శివ ఢీలా పడ్డారు. తారక్ తో కొరటాల శివ తెరకెక్కించాల్సిన సినిమా షూటింగ్ అంతకంతకూ ఆలస్యమవుతోంది. ఒక దశలో ఈ ప్రాజెక్ట్ ఆగిపోయిందని కూడా వార్తలు ప్రచారంలోకి వచ్చాయి. నిర్మాతల నుంచి కానీ హీరో ఎన్టీఆర్ నుంచి కానీ ఈ సినిమాకు సంబంధించిన అప్ డేట్ రాలేదు. ఈ సినిమాకు సంబంధించిన అప్ డేట్ ఎప్పుడు వస్తుందో కూడా క్లారిటీ లేదు.
తారక్ కొరటాల కాంబో మూవీ షూట్ ఎప్పుడు మొదలైనా ఈ సినిమా 2024లో రిలీజయ్యే ఛాన్స్ ఉంది. మరో స్టార్ హీరో అల్లు అర్జున్ హీరోగా సుకుమార్ డైరెక్షన్ లో తెరకెక్కనున్న పుష్ప ది రూల్ మూవీ రెగ్యులర్ షూటింగ్ ఈ నెలాఖరున మొదలుకానుండగా అత్యంత భారీ బడ్జెట్ తో ఈ సినిమా తెరకెక్కుతోంది. ఈ సినిమా షూటింగ్ ను పూర్తి చేసుకుని 2023లో రిలీజ్ చేయడం సాధ్యం కాదు. ఈ సినిమా కూడా 2024 సంవత్సరంలో విడుదలయ్యే అవకాశాలు అయితే ఉన్నాయని తెలుస్తోంది.
మరో స్టార్ హీరో చరణ్ శంకర్ డైరెక్షన్ లో ఒక సినిమాలో నటిస్తుండగా ఈ సినిమాపై భారీ అంచనాలు ఏర్పడ్డాయి. శంకర్ ఒకే సమయంలో ఇండియన్2 సినిమాతో పాటు చరణ్ సినిమాను తెరకెక్కిస్తున్న నేపథ్యంలో చరణ్ శంకర్ కాంబో మూవీ 2024లో విడుదలయ్యే ఛాన్స్ ఉంది. స్టార్ హీరోలు నిదానంగా సినిమాలు చేయడం పట్ల ఫ్యాన్స్ ఫీలవుతున్నా పాన్ ఇండియా సినిమాలలో నటిస్తుండటం ఫ్యాన్స్ కు సంతోషాన్ని కలిగిస్తోంది.
Most Recommended Video
ది ఘోస్ట్ సినిమా రివ్యూ & రేటింగ్!
‘బిగ్ బాస్ 6’ కపుల్ కంటెస్టెంట్స్ రోహిత్ అండ్ మెరీనా గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
