షకీలా జీవిత చరిత్ర కోసం బాలీవుడ్ హీరోయిన్!

మలయాళ చిత్రపరిశ్రమకు రారాజులైన మమ్ముట్టి, మోహన్ లాల్ వంటి బడా కథానాయకులు సైతం తమ సినిమాను విడుదల చేసుకోవాలంటే థియేటర్ల కోసం వెతుక్కోవాల్సిన పరిస్థితి. పోనీ వారికి ధీటుగా నిలిచింది వారి స్థాయిలోని మరో స్టార్ హీరో కూడా కాదు. ఒక ఆడది, అది కూడా నీలి చిత్రాల్లో నటించే ఓ బరువైన మహిళ. ఆవిడ పేరు షకీల. ఆమెను అక్కడి నుంచి మర్యాదగా వెళ్లగొట్టడానికి సైతం ఎవరూ సాహసించలేదు. అంతటి ఘనమైన, ఒకింత నీచమైన చరిత్ర కలిగిన షకీల జీవితంలో “సెక్స్” మాత్రమే కాదు, చాలా మందికి తెలియని మరిన్ని కోణాలున్నాయి.

షకీలా ఈ సెక్స్ సినిమాల్లో నటించడానికి ఒప్పుకోవడం వెనుక కుటుంబ సమస్యలు చాలా ఉన్నాయ్. ఆ తర్వాత ఆమె ఎదుర్కొన్న సమస్యలూ, ఆమె పెళ్లి సంగతులు.. ఇలా చాలా కోణాలున్నాయి. అందుకే బాలీవుడ్ దర్శకులు “షకీలా” జీవితం ఓ సినిమా తెరకెక్కించాలనుకోంటున్నారు. కొన్నాళ్లుగా అందుకోసం సన్నాహాలు చేస్తున్నప్పటికీ.. “షకీలా” పాత్రను పోషించగలిగే కథానాయిక దొరకక్ ఆగిపోయారు.
అయితే.. ఇప్పుడు షకీలాగా నటించేందుకు బాలీవుడ్ బొద్దుగుమ్మ హ్యూమ ఖురేషీ అంగీకరించిందని తెలుస్తోంది. త్వరలోనే ఈ సినిమా చిత్రీకరణ మొదలుకానుంది. “డర్టీ పిక్చర్” తరహాలోనే ఈ సినిమా కూడా కలెక్షన్ల సునామీ సృష్టిస్తుందేమో చూడాలి!