జనసేన అధినేత, పవర్ స్టార్ పవన్ కళ్యాణ్ (Pawan Kalyan) మంచితనం గురించి ఇప్పటికే ఎన్నో కథనాలు ప్రచారంలోకి వచ్చాయి. హైపర్ ఆది (Hyper Aadi) పవన్ కళ్యాణ్ కు వీరాభిమాని అనే సంగతి తెలిసిందే. ఎవరినైనా ఫస్ట్ టైమ్ చూసిన సమయంలో గూస్ బంప్స్ వస్తాయని పవన్ కళ్యాణ్ గారి విషయంలో మాత్రం రోజూ గూస్ బంప్స్ వస్తాయని హైపర్ ఆది కామెంట్లు చేశారు. భీమ్లా నాయక్ (Bheemla Nayak) షూట్ సమయంలో పవన్ నా భుజంపై చేయి వేసి మాట్లాడారని ఆది తెలిపారు.
ఆ సమయంలో భుజంపై చెయ్యి అలాగే ఉంచి మాట్లాడండి అన్నా అని పవన్ తో చెప్పానని హైపర్ ఆది పేర్కొన్నారు. పవన్ కళ్యాణ్ కు అమ్మ చేసే బిర్యానీ అంటే ఎంతో ఇష్టమని క్యారవాన్ లో పవన్ కళ్యాణ్ వడ్డిస్తే మేము తిన్నామని హైపర్ ఆది అన్నారు. అంతకంటే లక్ ఏముంటుందని ఆయన కామెంట్లు చేయగా ఆ కామెంట్స్ వైరల్ అవుతున్నాయి. హైపర్ ఆది జనసేన తరపున ప్రచారం చేస్తారేమో చూడాలి.
కొన్ని నెలల క్రితం హైపర్ ఆది జనసేన తరపున ఎమ్మెల్యేగా పోటీ చేస్తారని వార్తలు జోరుగా వినిపించిన సంగతి తెలిసిందే. హైపర్ ఆది జనసేన పార్టీ గెలుపు కోసం తన వంతుగా ఏమైనా చేస్తారేమో చూడాలి. హైపర్ ఆది గతంలో కూడా చాలా సందర్భాల్లో పవన్ పై ఉన్న అభిమానాన్ని చాటుకున్నారు. భీమ్లా నాయక్ సినిమాలో ఒక సాంగ్ లో కొన్ని సెకన్ల పాటు హైపర్ ఆది కనిపించారు.
హైపర్ ఆది ప్రస్తుతం బుల్లితెర షోలతో కెరీర్ పరంగా బిజీగా ఉన్నారు. ఈ బుల్లితెర షోల ద్వారా ఆదికి భారీ రేంజ్ లోనే ఆదాయం దక్కుతోందని తెలుస్తోంది. పవన్ కళ్యాణ్ ప్రస్తుతం నటిస్తున్న ప్రాజెక్ట్ లలో హైపర్ ఆది నటిస్తున్నారో లేదో తెలియాల్సి ఉంది. పవన్ కళ్యాణ్ ప్రస్తుతం పొలిటికల్ కార్యక్రమాలతో బిజీగా ఉన్నారు. పిఠాపురం నుంచి పోటీ చేస్తున్న పవన్ కళ్యాణ్ లక్ష మెజార్టీతో ఎన్నికల్లో గెలుస్తానని చెబుతున్నారు.
