సునీల్ పై హైపర్ ఆది చేసిన కామెంట్స్ వైరల్..!

హైపర్ ఆది… ఈ పేరుకు ప్రత్యేక పరిచయం అవసరం లేదు. మొన్నటికి మొన్న రజినీ కాంత్ సినిమా ‘దర్భార్’ లో హైపర్ ఆది పంచ్ గురించి ఓ డైలాగ్ ఉంటుంది. అంత క్రేజ్ సంపాదించుకున్నాడు హైపర్ ఆది. అయితే అతను ‘జబర్దస్త్’ కు రాకముందు ఏం చేసేవాడు? అసలు ‘జబర్దస్త్’ కు ఎలా ఎంట్రీ ఇచ్చాడు? అనే విషయాలని ఇటీవల ఓ ఇంటర్వ్యూలో పాల్గొని చెప్పుకొచ్చాడు. అంతేకాదు హీరో సునీల్ పై కూడా కొన్ని షాకింగ్ కామెంట్స్ చేసాడు. హైపర్ ఆది మాట్లాడుతూ.. “నాకు చిన్నప్పటి నుండీ స్క్రీన్ పై కనిపించాలనే కోరిక అస్సలు లేదు. అయితే నేను బీటెక్ కంప్లీట్ చేసాక… జాబ్ చేస్తుండగా ఈ ఆలోచన వచ్చింది.

ఆ టైంలో ‘జబర్దస్త్’ బాగా పాపులర్ అయిన షో. జాబ్ చేస్తున్నప్పుడు ఎంతో ఆసక్తిగా నేను నా ఫ్రెండ్స్ ఆ షో చూసే వాళ్ళం. హైదరాబాద్ కు వచ్చినప్పటి నుండీ .. ‘జబర్దస్త్’ ఆర్టిస్ట్ లు ఎక్కడ ఉంటారో తెలుసుకోవాలని కోరిక ఉండేది. ఇక అదే సమయంలో నేను చేసిన ఓ చిన్న షార్ట్ ఫిలింకు అదిరే అభి.. ‘చాలా బాగుంది బ్రో.. ఒకసారి కలువు’ అంటూ మెసేజ్ పెట్టాడు. దాంతో వెంటనే వెళ్లి అభిని అలాగే అతని టీం వాళ్ళను కలిసి.. ఫోటోలు దిగి ఫేస్బుక్ లో పెట్టాను. ఆ ఫోటోలకు చాలా లైక్స్ వచ్చాయి. తరువాత ‘అన్నా.. నీ టీం లో ఏదో ఒక ఛాన్స్ ఇవ్వమని’ అభిని బ్రతిమిలాడే వాడిని.

దాంతో ఓ ఎపిసోడ్ లో సునీల్ గారు ఎక్కిన రిక్షాని లాక్కొచ్చి వెళ్లిపోయే క్యారెక్టర్ ఇచ్చాడు.కానీ దాంతో సంతృప్తి చెందలేదు. అయినప్పటికీ అభి అన్నని బ్రతిమాలుతూనే క్యారెక్టర్లు సంపాదించాను. తరువాత నేనే స్క్రిప్ట్ రాయాల్సి వచ్చింది. అవి యూనిట్ సభ్యులకు కూడా నచ్చడం.. మంచి రెస్పాన్స్ రావడంతో.. నన్ను టీం లీడర్ ను చేసారు. నేను టీం లీడర్ అయ్యాక.. మరోసారి నేను సునీల్ గారితో స్కిట్ చేశాను. ఈసారి ఆయన పై పంచ్ లు కూడా వేసాను. అది నా ప్రౌడ్ ఫీలింగ్ గా భావిస్తున్నాను” అంటూ చెప్పుకొచ్చాడు.

Most Recommended Video

కృష్ణ అండ్ హిజ్ లీల సినిమా రివ్యూ & రేటింగ్
పెంగ్విన్ సినిమా రివ్యూ & రేటింగ్!
టాలీవుడ్ లో అత్యధిక నష్టాలు మిగిల్చిన పది చిత్రాలు ఇవే