Hyper Aadi: హైపర్ ఆదిపై ఆ హీరో అభిమానులు పగబట్టారా?

November 9, 2021 / 10:12 AM ISTByFilmy Focus

Join Us

Hyper Aadi: హైపర్ ఆదిపై ఆ హీరో అభిమానులు పగబట్టారా?

జబర్దస్త్ షోలో ప్రసారమయ్యే స్కిట్లలో హైపర్ ఆది స్కిట్లు ప్రేక్షకులను బాగా ఆకట్టుకుంటాయనే సంగతి తెలిసిందే. అయితే హైపర్ ఆది వేసే పంచ్ లు కొన్నిసార్లు శృతి మించుతాయనే విమర్శలు ఉన్నాయి. హైపర్ ఆది జబర్దస్త్ షోతో పాటు శ్రీదేవి డ్రామా కంపెనీ షోలో, ఈటీవీలో ప్రసారమయ్యే ఇతర ఈవెంట్లలో కూడా పాల్గొంటున్నారు. హైపర్ ఆదికి వివాదాలు కొత్త కాదు. తన టీమ్ మెంబర్స్ అయిన దొరబాబు, పరదేశిలపై హైపర్ ఆది వేసే పంచ్ ల గురించి కొన్నిసార్లు నెటిజన్లు విమర్శలు చేశారు.

తెలంగాణ ఫోక్ సాంగ్ విషయంలో, లాయర్ల విషయంలో హైపర్ ఆది వేసే పంచ్ ల గురించి వివాదాలు చెలరేగాయి. అయితే తాజాగా దీపావళి కానుకగా ఈటీవీలో ప్రసారమైన ఈవెంట్ లో ఆది వేసిన పంచ్ ల వల్ల ఒక హీరో అభిమానులు హర్టయ్యారు. టాలీవుడ్ ఇండస్ట్రీలోని పెద్ద కుటుంబానికి చెందిన హీరోపై ఆది వేసిన పంచ్ లు అభిమానులకు ఆగ్రహం తెప్పించాయి. సదరు హీరోను ఇమిటేట్ చేస్తూ ఆది వేసిన పంచ్ లు అభిమానులను బాధ పెట్టాయి.

Hyper Aadi shocking comments1

ఆ హీరో అభిమానులకు భయపడి ఆది అజ్ఞాతంలో ఉన్నాడని కారులో కూడా ఆది వెళ్లే పరిస్థితులు కనిపించడం లేదని సమాచారం. సదరు హీరో ఫ్యాన్స్ మాత్రం హైపర్ ఆదిని ఎట్టి పరిస్థితుల్లోనూ వదలమని చెబుతున్నారు. ఆది శృతి మించిన పంచ్ లు వేసి ఇలాంటి సమస్యలు కొని తెచ్చుకుంటున్నాడని కొంతమంది నెటిజన్లు అభిప్రాయపడుతున్నారు. ఆది ఇకనైనా ఇతరులను హర్ట్ చేసేలా వేసే పంచ్ ల విషయంలో మారతాడో లేదో చూడాల్సి ఉంది.