బాహుబలిని కాపీ కొట్టలేదు : కె. రాఘవేంద్రరావు

దర్శకధీరుడు ఎస్.ఎస్.రాజమౌళి తెరకెక్కించిన బాహుబలి సినిమాలోని ప్రతి సన్నివేశం ప్రేక్షకుల్లో బలంగా ముద్రపడిపోయింది. ఆ మూవీ అంతలా ప్రభావితం చేసింది. తెలుగు దర్శకులపై ఆ చిత్ర ఎఫెక్ట్ ఎంతో కొంత పడుతుందనడంలో ఎటువంటి సందేహం అవసరం లేదు. తాజాగా దర్శకేంద్రుడు కె.రాఘవేంద్రరావు కూడా బాహుబలిని స్ఫూర్తిగా తీసుకున్నారని సినీ విశ్లేషకులు అభివర్ణించారు. ఆయన దర్శకత్వంలో రూపుదిద్దుకున్న ఓం నమో వెంకటేశాయ మూవీలో జలపాతం సన్నివేశాన్ని బాహుబలి నుంచి కాపీ కొట్టారని విమర్శకులు ఆరోపించారు. దీనిపై కె రాఘవేంద్రరావు స్పందించారు. తనపై వచ్చిన విమర్శలను ఖండించారు.

“బాహుబలి లో జలపాతం సన్నివేశాలు నాకు నచ్చాయి. కానీ ఆ సినిమా నుంచి నేనేమీ కాపీ కొట్టలేదు. తిరుమల కొండని అందంగా, ఆహ్లాదంగా చూపించాలని అనుకున్నా. అయితే ఆ సినిమా చూడగానే తిరుమలలో జలపాతాలు ఎక్కడని అందరూ ప్రశ్నిస్తారని తెలుసు. అందుకే చిన్న ధారగా వస్తున్న జలపాతం వంక స్వామి వారు ఓ చూపు చూస్తే… ఆ ఉధృతి వేయింతలు అయ్యిందన్నట్లుగా చూపించాం. ‘ అని వివరించారు. హథీరాం బాబాగా కింగ్ నాగార్జున నటించిన ఈ మూవీ అన్ని వర్గాల ప్రజలను ఆకట్టుకొని విజయవంతంగా దూసుకుపోతోంది.

Also, do SUBSCRIBE to our YouTube channel to get latest Tollywood updates.