సొంతవాళ్లే దారుణంగా మోసం చేశారు : రాజేంద్రప్రసాద్

వందల సంఖ్యలో సినిమాల్లో కమెడియన్ గా, ప్రత్యేక పాత్రల్లో నటించి తనకంటూ ప్రత్యేక గుర్తింపును సంపాదించుకున్నారు రాజేంద్ర ప్రసాద్. ఒకవైపు కామెడీ పాత్రల్లో నటిస్తూనే ఎమోషనల్ సీన్స్ తో కంటతడి పెట్టించగల ప్రతిభ ఉన్న నటుడు రాజేంద్ర ప్రసాద్. ఈ మధ్య కాలంలో పరిమితంగా సినిమాలు చేస్తున్న రాజేంద్ర ప్రసాద్ పుల్ లెంగ్త్ రోల్ లో నటించిన గాలిసంపత్ సినిమా ఈ నెల 11వ తేదీన విడుదల కానుంది. ప్రముఖ దర్శకుడు అనిల్ రావిపూడి ఈ సినిమాకు దర్శకత్వ పర్యవేక్షణ చేయడంతో ఈ సినిమాపై భారీగా అంచనాలు ఏర్పడ్డాయి.

ఈ సినిమా ప్రమోషన్స్ లో భాగంగా మీడియాతో మాట్లాడిన రాజేంద్రప్రసాద్ సొంతవాళ్లే నన్ను మోసం చేశారంటూ తన రక్త సంబంధీకుల గురించి ఆసక్తికర వ్యాఖ్యలు చేశారు. తన లైఫ్ లో బాధాకరమైన సంఘటనలు పెద్దగా లేకపోయినా చాలామంది దగ్గర మోసపోయానని రాజేంద్రప్రసాద్ తెలిపారు. తన రక్త సంబంధీకులు డబ్బు విషయంలో తనను దారుణంగా మోసం చేశారని పేర్కొన్నారు. కొన్ని ఘటనల తర్వాత సంపాదించిన డబ్బు ఏమైంది అని చెక్ చేస్తే రక్త సంబంధీకులు తనను మోసం చేసి వెళ్లిపోయారని అర్థమైందని రాజేంద్ర ప్రసాద్ చెప్పుకొచ్చారు.

తాను దిగువ మధ్యతరగతి కుటుంబం నుంచి ఇండస్ట్రీకి వచ్చానని.. మద్రాస్ ఫిల్మ్ ఇన్స్టిట్యూట్ లో ట్రైనింగ్ తీసుకుని అక్కడ గోల్డ్ మెడల్ సాధించానని రాజేంద్ర ప్రసాద్ తెలిపారు. తాను ఇండస్ట్రీలోకి ఎంట్రీ ఇచ్చే నాటికి ఇండస్ట్రీలో ఎంతోమంది గొప్ప నటులు ఉన్నారు కాబట్టి కామెడీ కథలతో ప్రేక్షకులకు ఎంటర్టైన్మెంట్ అందించాలని భావించి కామెడీ హీరోగా ఎంట్రీ ఇచ్ఛానని రాజేంద్ర ప్రసాద్ వెల్లడించారు.

Most Recommended Video

ఏ1 ఎక్స్ ప్రెస్ సినిమా రివ్యూ & రేటింగ్!
షాదీ ముబారక్ సినిమా రివ్యూ & రేటింగ్!
సీత ఆన్ ది రోడ్ సినిమా రివ్యూ & రేటింగ్!