అల్లరి చేసేవాళ్లే ఇష్టం : రాశీ ఖన్నా

జిల్ సినిమాలో సావిత్రిలా ఉండడమే తనకి ఇష్టమని చెబుతోంది రాశీ ఖన్నా. ఊహలు గుసగుసలాడే చిత్రంతో యువత గుండెల్లో దూరిపోయిన ఈ సుందరికి కామ్ గా ఉండడమంటే అసలు నచ్చదంట. ఎక్కడైనా, ఎప్పుడైనా హుషారుగా ఉండడమే తన సిద్ధాంతమని వెల్లడించింది. ఇదే విషయాన్ని ఓ ఇంటర్వ్యూ లో చెప్పింది. “నేను కుదురుగా కూర్చోలేను. అల్లరి చేస్తుంటాను. అలాంటి వాళ్లే నాకు స్నేహితులు అవుతుంటారు.

పరిశ్రమలో అయితే ఫ్రెండ్స్ జాబితాలో ఆల్మోస్ట్ వాళ్లే ఉంటారు. వాళ్లతో కాసేపు మాట్లాడినా చాలు చాలా శక్తి వచ్చినట్టుంటుంది. షూటింగ్‌లో ఎంత అలసట ఉన్నా.. వాళ్లు కనిపించగానే అదంతా మాయమైపోతుంది. “అని రాశీ వివరించింది. సుప్రీమ్ హిట్ తో ఆనందంలో ఉన్న ఈ భామ మరోసారి గోపిచంద్ తో కలిసి నటిస్తోంది. ఈ సందర్బంగా మీకు ఎలాంటి అబ్బాయిలు ఇష్టమని ఆమెను ప్రశ్నిస్తే ఆశ్చర్యకరమైన సమాధానం ఇచ్చింది.

‘‘ఓ చోట కూర్చొని తమ పని తాము చేసుకు పోయేవాళ్లు బుద్ధిమంతులే. కానీ వాళ్లతో కలసి ప్రయాణం చేయడం బోర్‌ కొడుతుంది. నాకు అలాంటి బుద్ధిమంతులు వద్దు. హుషారుగా ఉండేవాళ్లంటే నాకిష్టం.” అని నిర్మొహమాటంగా రాశి చెప్పింది.