ఆసక్తికర విషయాలు చెప్పిన అడవి శేషు!

యువ దర్శకుడు శశికాంత్‌ టిక్కా దర్శకత్వంలో తెరకెక్కిన గూఢచారి ఫస్ట్ లుక్ నుంచి ఆసక్తిని రేపుతోంది. రీసెంట్ గా విడులయిన టీజర్, ట్రైలర్ సంచలనం సృష్టించాయి. అభిషేక్‌ పిక్చర్స్‌ పతాకం పై అభిషేక్‌ నామా నిర్మించిన ఈ సినిమాలో అడవి శేషు  ఓ స్పై గా కనిపించబోతున్నారు. సింగిల్ కట్ కూడా లేకుండా U/A సర్టిఫికేట్‌ అందుకున్న ఈ మూవీ రేపు థియేటర్లోకి రానుంది. ఈ సందర్బంగా మీడియా ముందుకు వచ్చిన అడవి శేషు ని…  ‘క్షణం’ సూపర్ హిట్ అయింది కదా.. నెక్స్ట్ సినిమాకి ఇంత గ్యాప్ తీసుకున్నారెందుకు అని ప్రశ్నించగా ఇలా సమాధానమిచ్చారు. “నాకు ‘క్షణం’ విడుదలైన తరువాత సుమారు 50 సినిమా ఆఫర్లు వచ్చాయి.

ఆ కథలు ఏవీ నచ్చలేదు. అందుకే వదిలేసుకున్నా. ఒక పెద్ద నిర్మాత అయితే నాపై కోపడ్డారు కూడా. కానీ, కథ ముఖ్యం కదండీ” అని వివరించారు. “కర్మ” అనే సినిమాతో  హీరోగా, దర్శకుడిగా శేషు అడుగుపెట్టారు. కానీ విజయం వరించకపోవడంతో క్యారెక్టర్ ఆర్టిస్టుగా మారారు. “పంజా”, “బలుపు”, బాహుబలి సినిమాల్లో నెగెటివ్ షేడ్స్ ఉన్న క్యారెక్టర్స్, “రన్ రాజా రన్ తో” పాటు కొన్ని సినిమాల్లో పాజిటివ్ క్యారెక్టర్స్ చేశారు. మళ్లీ “క్షణం”తో హీరోగా రీ ఎంట్రీ ఇచ్చారు. హిట్ అందుకున్నారు. ఇక నుంచి హీరోగా కొనసాగడానికి మంచి కథకోసం ఇంతలా ఎదురుచూసారు. మరి దీని ఫలితం ఎలా ఉంటుందో .. కొన్ని గంటల్లో తెలియనుంది.