పెళ్లికి నో అందని హీరోయిన్ పై దాడి. బెయిల్ కి నొ చెప్పిన కోర్టు..!

December 5, 2020 / 03:52 PM ISTByFilmy Focus

Join Us

పెళ్లికి నో అందని హీరోయిన్ పై దాడి. బెయిల్ కి నొ చెప్పిన కోర్టు..!

ఫేస్‌బుక్‌ లో మాల్వీ మల్హోత్రా అనే బుల్లితెర నటికి పరిచయమయిన యోగేష్..తరువాత ఆమెను మభ్యపెట్టి.. పెళ్లి చేసుకోవాలని ఒత్తిడి పెంచాడు. ఆమె ఒప్పుకోలేదని అక్టోబర్ నెలలో కత్తితో ఆమె పై దాడి చేసిన సంగతి తెలిసిందే. అయితే అదృష్టవశాత్తు ఆమె ప్రాణాలు కోల్పోలేదు. ఇక ఈ ఘోరానికి పాల్పడిన యోగేష్‌ను పోలీసులు అరెస్ట్‌ చేసి కేసు నమోదు చేశారు. అయితే యోగేష్ మరియు అతని సన్నిహితులు బెయిల్‌ పిటిషన్‌ కోసం అప్లై చెయ్యగా..

దానిని హై కోర్టు‌ నిరాకరిస్తూ తీర్పునిచ్చింది. ఈ విషయం పై బాధితురాలు మాల్వీ స్పందించి హర్షం వ్యక్తం చేసింది. మాల్వీ మాట్లాడుతూ…”యోగేష్ కు బెయిల్‌ నిరాకరించినందుకు నిజంగా నేను చాలా సంతోషిస్తున్నాను. ఈ కేసులో నా తరుపు వాదిస్తున్న న్యాయవాదికి ఈ సందర్భంగా నా ప్రత్యేక కృతజ్ఞతలు.ఇంత క్రిమినల్‌ మైండ్ సెట్ తో జీవించే యోగేష్‌ వంటి మనుషులు జనారణ్యంలో ఉండకూడదనే నా అభిప్రాయం. అతను జీవితాంతం జైలులోనే ఉండాలి.

అతనికి బెయిల్ కనుక‌ వస్తే అతడు ముంబయి నుంచి పారిపోవడం ఖాయం. నాపై దాడి జరిగిన రోజు నుండీ నేను భయంతోనే బ్రతుకుతున్నా..! నేను త్వరగా కోలుకుని నార్మల్ అవ్వాలని ఆ దేవుడిని కోరుకుంటున్నాను” అంటూ చెప్పుకొచ్చింది.