ఆ సినిమా విషయంలో బాధపడటం లేదు : అనుష్క

అరుంధతి, రుద్రమదేవి సినిమాల తర్వాత మరో మారు అనుష్క పేరు మారుమోగుతోంది. బాహుబలి బిగినింగ్ లో స్వీటీ డీ గ్లామర్ గా కనిపించింది. నిడివి కూడా తక్కువే. కానీ బాహుబలి కంక్లూజన్ లో నటనతో, యాక్షన్ తో అదరగొట్టింది. రాజమౌళి, ప్రభాస్ కలయికలో వచ్చిన ఈ మూవీ రికార్డులు తిరగరాస్తుండడంతో అనుష్క ఆనందంలో మునిగితేలుతోంది. ఈ సందర్భంగా ఆమె ఇచ్చిన ఇంటర్వ్యూలో ఆసక్తికర సంగతులు వెల్లడించింది. సైజ్ జీరో సినిమాలో నటించిన తర్వాత బరువు తగ్గడానికి ఇబ్బంది పడ్డారు, ఆ సినిమాని చేసినందుకు బాధపడుతున్నారా?

అని విలేకరి ప్రశ్నించగా అనుష్క సమాధానమిస్తూ ” నాకు ఇష్టమైన సినిమాలో సైజ్ జీరో ఒక్కటి. ఆ సినిమాని ఎంజాయ్ చేస్తూ చేసాను. ఆ చిత్రం వల్ల బరువు పెరిగిన మాట వాస్తవమే. అయినా ఆ సినిమాని చేసినందుకు ఎప్పుడూ పశ్చాత్తాపపడలేదు” అని స్పష్టం చేసారు. ప్రస్తుతం అనుష్క మరో లేడీ ఓరియెంటెడ్ మూవీ భాగమతి చేస్తోంది. భారీ బడ్జెట్ తో తెరకెక్కుతోన్న ఈ సినిమాలో పవర్ ఫుల్ పోలీస్ ఆఫీసర్ గా  స్వీటీ నటిస్తున్నట్లు సమాచారం.

Also, do SUBSCRIBE to our YouTube channel to get latest Tollywood updates.