ఇలియానా – రూమర్లు… ఈ రెండు పేర్లకూ విడదీయలేని అనుబంధం ఉంది అని చెప్పొచ్చు. స్టార్ హీరోయిన్‌గా ఎదుగుతున్న రోజుల్లోనే ఉత్తరాదికి వెళ్లి షాక్‌ ఇచ్చింది ఇలియానా. ఆ తర్వాత అక్కడ సౌత్‌ సినిమాల గురించి ఏదో అంది అంటూ పుకార్లు చెలరేగాయి. దీంతో సౌత్‌ ఇండస్ట్రీ ఆమెను దూరం పెట్టేసింది. అయితే ఈ విషయం అధికారికంగా కాదనుకోండి. ఆ తర్వాత పర్సనల్‌ లైఫ్‌ మీద పుకార్లు మొదలయ్యాయి. తాజాగా మరోసారి అలాంటి పుకార్లు వస్తే… ఆమె రిప్లై ఇచ్చింది.
ఇలియానా కొన్ని నెలల క్రితం ఓ విదేశీ వ్యక్తితో ప్రేమలో ఉందని వార్తలొచ్చాయి. దీనిపై ఎవరెన్ని మాట్లాడినా సరిగ్గా స్పందించని ఇలియానా… అతనితో దిగిన ఫొటోలను సోషల్ మీడియాలో పెట్టి టీజ్‌ చేసింది. కొన్ని రోజులకు అతనిని పెళ్లి చేసుకుంది. అయితే ఏమైందో ఏమో కానీ ఆ పెళ్లి అక్కడికి కొద్ది రోజులకే విడాకులకు దారి తీసింది. ఎందుకు, ఏమిటి, ఎలా అనే విషయాలు మనకు తెలియవు. అయితే గత కొద్ది రోజులుగా ‘మళ్లీ పెళ్లి ’అంటూ పుకార్లు మొదలయ్యాయి.
బాలీవుడ్‌కి చెందిన ఓ హీరోతో ఇలియానా ప్రేమాయణం కొనసాగిస్తోంది అంటూ ఆ మధ్య గుసగుసలు వినిపించాయి. ఇప్పటికే పెళ్లై ఇద్దరు పిల్లలున్న హీరో అతను అని కూడా చెప్పుకొచ్చారు. అయితే ఇటీవల ఈ పుకార్లపై స్పందించిన ఇలియానా… ‘మళ్లీ పెళ్లి చేసుకునే ఉద్దేశం అయితే లేదు’ అని చెప్పేసింది. ఇటీవల మాల్దీవుల్లో ఎంజాయ్‌ చేస్తున్న ఇలియానా… అక్కడి రిసార్ట్‌లో తీసిన ఫొటోలతో తన ఇన్‌స్టాగ్రామ్‌ను నింపేస్తోంది.
Most Recommended Video
‘అఖండ’ మూవీ నుండీ గూజ్ బంప్స్ తెప్పించే 15 డైలాగ్స్..!
సిరివెన్నెల సీతారామశాస్త్రి గారి గురించి మనకు తెలియని విషయాలు..!
22 ఏళ్ళ రవితేజ ‘నీకోసం’ గురించి ఆసక్తికరమైన విషయాలు…!
Home