రణ్ బీర్ కపూర్, సందీప్ రెడ్డి వంగా కాంబినేషన్ లో తెరకెక్కిన యానిమల్ మూవీపై అంచనాలు అంతకంతకూ పెరుగుతున్నాయి. ప్రముఖ మల్టీప్లెక్స్ లలో ఈ సినిమాకు బుకింగ్స్ అదుర్స్ అనేలా ఉన్నాయి. హైదరాబాద్ లో టాలీవుడ్ స్ట్రెయిట్ హీరోల రేంజ్ లో ఈ సినిమాకు బుకింగ్స్ జరగడంతో యానిమల్ సినిమా కలెక్షన్లు సైతం మామూలుగా ఉండవని కామెంట్లు వినిపిస్తున్నాయి. జవాన్ తర్వాత మరో బాలీవుడ్ మూవీ తెలుగు రాష్ట్రాల్లో సత్తా చాటే అవకాశాలు కనిపిస్తున్నాయి.
ఈ సినిమా ప్రీ రిలీజ్ ఈవెంట్ కు మహేష్, జక్కన్న హాజరవుతూ ఉండటం కూడా ఈ సినిమాపై అంచనాలు మరింత పెరగడానికి కారణమయ్యాయి. డైరెక్టర్ సందీప్ రెడ్డి వంగా సోదరుడు ప్రణయ్ మాట్లాడుతూ 18 నిమిషాల ఇంటర్వెల్ వేరే లెవెల్ లో ఉండనుందని చెప్పుకొచ్చారు. మెషీన్ గన్ తో రణ్ బీర్ కపూర్ విధ్వంసం సృష్టిస్తారని ఆ సీన్లు మామూలుగా ఉండవని సమాచారం అందుతోంది.
టీ సిరీస్, భద్రకాళి బ్యానర్లు సంయుక్తంగా ఈ సినిమాను నిర్మిస్తుండగా ఈ మూవీ ఫస్ట్ డే కలెక్షన్లు ఏ రేంజ్ లో ఉండబోతున్నాయో చూడాల్సి ఉంది. రష్మిక, అనిల్ కపూర్, శక్తి కపూర్, బాబీ డియోల్, పృథ్వీరాజ్ ఈ సినిమాలో కీలక పాత్రల్లో నటించారు. ఇంటర్వెల్ ఫైట్ సీన్ ను సుప్రీమ్ సుందర్ హాలీవుడ్ లెవెల్ లో కంపోజ్ చేశారని సమాచారం అందుతోంది.కొన్ని రోజుల క్రితం విడుదలైన టైగర్3 కంటే యానిమల్ సినిమాకు బుకింగ్స్ మరింత బెటర్ గా ఉన్నాయి.
యానిమల్ మూవీ 3 గంటల 21 నిమిషాల 23 సెకన్ల నిడివితో తెరకెక్కగా ఈ సినిమా సక్సెస్ సాధిస్తే రాబోయే రోజుల్లో ఎక్కువ నిడివితో మరిన్ని సినిమాలు తెరకెక్కే ఛాన్స్ ఉంది. రష్మిక మందన్న కెరీర్ కు సైతం ఈ సినిమా సక్సెస్ సాధించడం కీలకమని చెప్పవచ్చు. రష్మికను అభిమానించే ఫ్యాన్స్ సంఖ్య అంతకంతకూ పెరుగుతోంది. యానిమల్ (Animal) మూవీ సరికొత్త రికార్డులను క్రియేట్ చేయాలని అభిమానులు భావిస్తున్నారు.
ఆదికేశవ్ సినిమా రివ్యూ & రేటింగ్!
కోట బొమ్మాళీ పి.ఎస్ సినిమా రివ్యూ & రేటింగ్!
సౌండ్ పార్టీ సినిమా రివ్యూ & రేటింగ్!
Home