Inaya Sultana: పిట్ట లొల్లితో హైలెట్ అయిన ఇనయ..! అదే ఆమె ప్లస్ పాయింట్ అయ్యింది..!

September 27, 2022 / 02:54 PM ISTByFilmy Focus

Join Us

Inaya Sultana: పిట్ట లొల్లితో హైలెట్ అయిన ఇనయ..! అదే ఆమె ప్లస్ పాయింట్ అయ్యింది..!

బిగ్ బాస్ తెలుగు సీజన్ 6 లో ఇప్పుడు ఇనయ సుల్తానా తన ఓటింగ్ పవర్ ని చూపిస్తోంది. మొదటి రెండువారాలు ఏదో విధంగా హైలెట్ అయిన ఇనయ ఇప్పుడు పిట్ట ఇష్యూతో బాగా పాపులర్ అయ్యింది. ఫస్ట్ నుంచీ ఏదో ఒక టాస్క్ లో పోటీపడుతూనే రెండుసార్లు కెప్టెన్సీ పోటీదారుల రేస్ లో నిలుచుంది. లాస్ట్ టైమ్ హౌస్ మేట్స్ ఓటింగ్ వల్ల కెప్టెన్ కాలేకపోయింది. ఆ తర్వాత టాస్క్ లో ఓటిపోవడం, ఇంట్లో ఎవ్వరూ కూడా బెస్ట్ పెర్ఫామర్ గా ఓటు వేయకపోవడం అనేది ఇనయకి మైనస్ అయ్యింది.

ఇక నాలుగోవారం నామినేషన్స్ లో శ్రీహాన్ పిట్ట ఇష్యూని తీస్కుని రావడం వల్ల ఒక్కసారిగా హైలెట్ అయ్యింది. నిజానకిి వీకండ్ నాగార్జున ఇనయ సుల్తానా మిస్టేక్ చేసిందని హౌస్ మేట్స్ చెప్పాడు. అంతేకాదు, అన్ ఫెయిర్ గా గేమ్ ఆడావని క్లాస్ పీకారు. దీంతో మిగతా హౌస్ మేట్స్ అందరూ ఇదే పాయింట్ పట్టుకుని నామినేట్ చేశారు. ఒకేసారి 8మంది నామినేట్ చేయడం అనేది ఇనయ సుల్తానాకి కలిసొచ్చింది. అందుకే 11మంది నామినేషన్స్ లో ఉన్నా సరే తన ఓటింగ్ తో దుసుకుపోతోంది.

అన్ అఫీషియల్ పోలింగ్ సైట్స్ లో రేవంత్ తర్వాత సెకండ్ పొజీషన్ లోకి వచ్చేసింది. ఫస్ట్ వీక్ నామినేషన్స్ లో ఉన్నప్పుడు ఎలిమినేట్ అయిపోతుందనే అనుకున్నారు అందరూ. కానీ ఆవారం ఎలిమినేషన్ లేకపోవడం వల్ల ఫస్ట్ వీక్ బ్రతికిపోయింది. సెకండ్ వీక్ కూడా డేంజర్ జోన్ లోనే ఉంది. ఆ తర్వాత కూడా ఇనయ సుల్తానాకి పెద్దగా ఓటింగ్ పర్సెంటేజ్ లేదు. కానీ, ఇప్పుడు ఓటింగ్ లో దుమ్మురేపుతోంది. అన్ అఫీషియల్ సైట్స్ లో ఇలా ఉంటే, హాట్ స్టార్ ఓటింగ్ లో కూడా ముందంజలో ఉంటుందని చాలామంది అభిప్రాయ పడుతున్నారు.

ఇదిలా ఉంటే ఈవారం హోటల్ టాస్క్ మరోసారి స్టార్ట్ చేశాడు బిగ్ బాస్. ఇందులో ఇనయ బెస్ట్ పెర్ఫామన్స్ ఇస్తే మాత్రం ఖచ్చితంగా ఓటింగ్ మరింత పెంచుకుంటుంది. గడిచిన మూడువారాల్లో కంటే కూడా ఈవారం నామినేషన్స్ లో ఎక్కువ మంది ఉన్నారు. వీళ్లని దాటుకుంటూ సెకండ్ పొజీషన్ లో ఉంది ఇనయా సుల్తానా. ఇనయ ఆటతీరు కంటే కూడా తన మాటలకే చాలామంది ఆడియన్స్ కనెక్ట్ అయ్యారు.

ముఖ్యంగా శ్రీహాన్ ఇనయాని టీజ్ చేయడం అనేది అస్సలు నచ్చలేదు. తీసిపారేసినట్లుగా చాలామంది మాట్లాడటం వల్లే ఇనయ సుల్తానా హైలెట్ అయ్యింది. గీతు కూడా ఇనయాకి బద్ద శత్రువుగా మారింది. ఇక యాంటీ గీతు ఫ్యాన్స్ కూడా ఇనయకి మద్దతు తెలుపుతున్నారు. ఇప్పుడు సోషల్ మీడియాలో ఇనయ పాత వీడియోలు కూడా హైలెట్ అవుతున్నాయి. అదీ మేటర్.