ఇంద్రగంటికి హీరో దొరుకుతాడా..?

November 5, 2022 / 03:26 PM ISTByFilmy Focus

Join Us

టాలీవుడ్ దర్శకుడు ఇంద్రగంటి మోహన్ కృష్ణకి ఇండస్ట్రీలో మంచి పేరుంది. ఆయన సినిమాలను ఇష్టపడే ఆడియన్స్ చాలా మంది ఉన్నారు. ‘అష్టా చమ్మా’ నుంచి మొదలుపెడితే.. ఎన్నో హిట్స్ అందుకున్నారు. ఆయన సినిమాలన్నీ కుటుంబంతో కలిసి చూసే విధంగా ఉంటాయి. అయితే ఈ మధ్యకాలంలో మాత్రం ఆయన నుంచి వరుస ప్లాప్స్ వస్తున్నాయి. అల్లరి నరేష్ తో ఆయన తీసిన ‘బందిపోటు’ అనే సినిమా భారీ నష్టాలను తీసుకొచ్చింది. ఆ తరువాత ‘సమ్మోహనం’తో డీసెంట్ కమ్ బ్యాక్ ఇచ్చినప్పటికీ..

‘వి’ సినిమాతో మరోసారి డిజాస్టర్ ను తన ఖాతాలో వేసుకున్నారు. ఈ సినిమా ఓటీటీలో రిలీజయింది కాబట్టి నిర్మాతకు నష్టాలు రాలేదు. లేదంటే.. కోట్లలో నష్టాలు వచ్చి ఉండేవి. రీసెంట్ గా ఇతడు డైరెక్ట్ చేసిన ‘ఆ అమ్మాయి గురించి మీకు చెప్పాలి’ అనే సినిమా తీశారు. సుధీర్ బాబు హీరోగా నటించిన ఈ సినిమాలో కృతిశెట్టి డ్యూయల్ రోల్ పోషించింది. మొదట అందరూ ఇదొక లవ్ అండ్ కామెడీ ఎంటర్టైనర్ అనుకున్నారు. కానీ ఇది సీరియస్ గా సాగే కథ.

దీంతో జనాలకు పెద్దగా ఎక్కలేదు. థియేటర్లో అయితే ఈ సినిమాకి ప్లాప్ టాక్ వచ్చింది. ఓటీటీలో మాత్రం జనాలు బాగానే చూశారు. వరుస ప్లాప్ లతో ఇబ్బంది పడుతున్న ఇంద్రగంటి తన తదుపరి సినిమాను దిల్ రాజు బ్యానర్ లో చేయడానికి సన్నాహాలు చేసుకుంటున్నారు.

నిజానికి విజయ్ దేవరకొండ హీరోగా ఓ సినిమా చేయాలనుకున్నారు. కానీ ‘ఆ అమ్మాయి గురించి మీకు చెప్పాలి’ సినిమా డిజాస్టర్ అవ్వడంతో విజయ్.. ఇంద్రగంటితో కలిసి పని చేయడానికి ఆసక్తి చూపించడం లేదట. ప్రస్తుతానికి ఇంద్రగంటి దగ్గర కథ అయితే ఉంది కానీ హీరో మాత్రం దొరకడం లేదు. మరి దిల్ రాజు.. ఇంద్రగంటికి ఏ హీరోని అప్పగిస్తారో చూడాలి..!