ఈ ఒక్క ఎపిసోడేనా లేక పర్మనెంట్ గా ఫిక్స్ అయిపోతుందా?

July 29, 2022 / 10:35 AM ISTByFilmy Focus

Join Us

ఈ ఒక్క ఎపిసోడేనా లేక పర్మనెంట్ గా ఫిక్స్ అయిపోతుందా?

జబర్దస్త్ కార్యక్రమానికి రోజా న్యాయ నిర్ణీతగా వ్యవహరిస్తూ పెద్ద ఎత్తున బుల్లితెర ప్రేక్షకులను ఆకట్టుకుంది. అయితే అనారోగ్యం కారణంగా రోజా కొన్ని రోజులపాటు ఈ కార్యక్రమం నుంచి తప్పుకోవడంతో రోజా స్థానంలోకి ఇంద్రజను తీసుకువచ్చారు. ఈమె కూడా పెద్ద ఎత్తున తన నవ్వులతో ప్రేక్షకులను సందడి చేసింది. ఒకానొక సమయంలో రోజా వద్దు ఇంద్రజ ముద్దు అని ఇంద్రజనే పర్మినెంట్ జడ్జిగా ఉండాలని అభిమానులు కోరుకున్నారు.అయితే రోజా తిరిగి జబర్దస్త్ కార్యక్రమానికి రావడంతో ఇంద్రజ శ్రీదేవి డ్రామా కంపెనీ కార్యక్రమానికి న్యాయ నిర్ణేతగా వ్యవహరించారు.

ఇకపోతే ఈ కార్యక్రమంలో కొన్ని రోజులపాటు కొనసాగిన ఈమె కమెడియన్ సుదీర్ తో ఎంతో మంచి అనుబంధం ఏర్పరచుకుంది. వీరిద్దరూ తల్లి కొడుకుల అనుబంధంతో పెద్ద ఎత్తున ప్రేక్షకులను సందడి చేశారు.ఇక కొద్దిరోజుల తర్వాత సుధీర్ ఈ కార్యక్రమం నుంచి వెళ్లిపోవడంతో ఇంద్రజ కూడా ఈ కార్యక్రమం నుంచి తప్పుకొని జబర్దస్త్ కార్యక్రమానికి పర్మినెంట్ జడ్జిగా వ్యవహరించారు. రోజాకు మంత్రి పదవి రావడంతో ఇంద్రజ ఈ కార్యక్రమంలో ఫిక్స్ అయిపోయారు.

అయితే ఒకానొక సందర్భంలో జబర్దస్త్ శ్రీదేవి డ్రామా కంపెనీ కార్యక్రమంలో రెండు చోట్ల తానే కనిపించడంతో జనాలు చీకొడతారని, వాళ్లు చీకొట్టకు ముందే తాను బయటికి రావడం మంచిదని భావించి శ్రీదేవి డ్రామా కంపెనీ నుంచి బయటకు వచ్చినట్లు ఈమె తెలిపారు. ఇలా శ్రీదేవి డ్రామా కంపెనీ కార్యక్రమం నుంచి బయటకు వచ్చిన ఇంద్రజ తర్వాత ప్రతివారం సెలబ్రిటీలు ఎవరో ఒకరు ఈ కార్యక్రమంలో సందడి చేశారు. ఇకపోతే తాజాగా వచ్చేవారం ప్రసారం కాబోయే శ్రీదేవి డ్రామా కంపెనీ కార్యక్రమానికి సంబంధించిన ప్రోమో విడుదల చేశారు.

బోనాలు జాతర అంటూ స్పెషల్ కాన్సెప్ట్ ద్వారా ప్రేక్షకుల ముందుకు రాబోతున్నారు. అయితే ఈ కార్యక్రమంలో భాగంగా పెద్ద ఎత్తున బుల్లితెర నటీనటులు కూడా హాజరయ్యారు. ఈ కార్యక్రమానికి ఇంద్రజ కూడా హాజరు కావడంతో ఈమె తిరిగి ఈ కార్యక్రమానికి వచ్చిందని అభిమానులు ఎంతో సంతోషం వ్యక్తం చేశారు.అయితే ఇంద్రజ పర్మినెంట్ గా ఈ కార్యక్రమంలో జడ్జిగా ఉంటున్నారా లేకపోతే ఈ ఒక్క ఎపిసోడ్ మాత్రమే సందడి చేస్తున్నారా అని సందేహం వ్యక్తం చేస్తున్నారు. మరి ఈమె పర్మినెంట్ గా కొనసాగుతారో లేదో తెలియాల్సి ఉంది.