అల్లు అర్జున్, తమన్నా హీరో హీరోయిన్లుగా వి.వి.వినాయక్ డైరెక్షన్లో తెరకెక్కిన చిత్రం ‘బద్రీనాథ్’. అల్లు అరవింద్ గారు ఈ చిత్రాన్ని తన ‘గీతా ఆర్ట్స్’ బ్యానర్ పై నిర్మించారు. ‘మగధీర’ సినిమాకి పెట్టినట్టే ఈ చిత్రానికి కూడా రూ.40 కోట్ల పైనే బడ్జెట్ పెట్టారు అల్లు అరవింద్ గారు.పైగా వినాయక్- అల్లు అర్జున్ కాంబినేషన్లో ఆల్రెడీ ‘బన్నీ’ అనే సూపర్ హిట్ సినిమా వచ్చింది.దీంతో మొదటి నుండీ ‘బద్రీనాథ్’ పై మంచి అంచనాలే ఉన్నాయి.
ఇక ఆడియో రిలీజ్ వేడుకలో రాంచరణ్.. ‘మగధీర తర్వాత నేను ఎలాంటి సినిమా చెయ్యాలి అనుకున్నానో అలాంటి సినిమా ‘బద్రీనాథ్’.ఈ చిత్రంలో బన్నీ పాత్రలో నన్ను నేను చూసుకున్నాను’ అంటూ చెప్పడంతో ‘బద్రీనాథ్’ పై అంచనాలు మరింతగా పెరిగిపోయాయి.2011వ సంవత్సరం జూన్ 10న ఈ చిత్రం విడుదలైంది. నేటితో ఈ చిత్రం విడుదలై 10 ఏళ్ళు పూర్తి కావస్తోంది. అయితే మొదటి షో తోనే ‘బద్రీనాథ్’ కు ప్లాప్ టాక్ వచ్చింది. ‘మరో ‘మగధీర’ అవుతుంది అనుకుంటే.. మరో ‘శక్తి’ అయ్యింది’ అంటూ ప్రేక్షకులు విమర్శలు గుప్పించారు.’ఆడియో రిలీజ్ వేడుకలో ‘బద్రీనాథ్’ టీం చెప్పినదానికి..
థియేటర్ లో చూసిన సినిమాకి అసలు సంబంధమే లేదని’ ఎంతో మంది కామెంట్స్ చేశారు. నిజానికి ఈ చిత్రానికి కథ అందించిన రైటర్ చిన్ని కృష్ణ… మొదట డైరెక్షన్ కూడా చెయ్యాలి అని అనుకున్నారట. ఈ విషయాన్ని ఆయన ఓ సందర్భంలో కూడా చెప్పుకొచ్చాడు. కానీ ఆయనకు డైరెక్షన్ ఛాన్స్ ఇవ్వలేదని తెలుస్తుంది !ఇక ‘బద్రీనాథ్’ కు ముందు నుండీ ఉన్న హైప్ కారణంగా ఓపెనింగ్స్ అయితే వచ్చాయి కానీ..ఫైనల్ గా అటు బయ్యర్లకు, ఇటు నిర్మాతకు నష్టాల్నే మిగిల్చింది.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
