2 ఏళ్ళ ‘గుణ 369’ గురించి మనకు తెలియని సీక్రెట్ ను చెప్పిన మహేష్..!

‘ఆర్.ఎక్స్.100’ ఫేమ్ కార్తికేయ హీరోగా అనఘ హీరోయిన్ గా అర్జున్ జంధ్యాల దర్శకత్వంలో తెరకెక్కిన చిత్రం ‘గుణ 369’. 2019 వ సంవత్సరం ఆగష్ట్ 2న విడుదలైన ఈ చిత్రాన్ని ‘జ్ఞాపిక ఎంటర్టైన్మెంట్స్’ మరియు ‘ఎస్.జి.మూవీ మేకర్స్’, ‘స్ప్రింట్ ఫిలిమ్స్’ సంస్థల పై అనిల్ కడియాల,తిరుమల రెడ్డి లు కలిసి నిర్మించారు. ఈరోజుతో ఈ చిత్రం విడుదలై 2 ఏళ్ళు పూర్తికావస్తోంది. నిజానికి ఇది హిట్టు సినిమా కాదు.. యావరేజ్ అన్నట్టు ఆడింది. కాకపోతే మంచి కాన్సెప్ట్ ఓరియెంటెడ్ మూవీ అని దీనిని ఇంకా చాలా బాగా తీయొచ్చు అని చాలా మంది ప్రేక్షకులు ప్రశంసించారు.

అమ్మాయిల పై అలాగే ప్రేమికుల పై జరుగుతున్న దాడుల గురించి ఇందులో చాలా బాగా చూపించాడు దర్శకుడు. క్లైమాక్స్ లో ‘రంగస్థలం’ మహేష్ పాత్ర ద్వారా వచ్చే ట్విస్ట్ ఆకట్టుకునే విధంగా ఉంటుంది. అది ‘రంగం’ ‘ప్రస్థానం’ వంటి చిత్రాలను గుర్తు చేసే విధంగా ఉన్నా.. ప్రేక్షకులను ఒకింత థ్రిల్ చేసే విధంగా ఉంటుందనే చెప్పాలి. అయితే ఆ పాత్ర గురించి ఎవ్వరికీ తెలియని ఓ విషయాన్ని ఇటీవల మహేష్ రివీల్ చేసాడు.

అదేంటి అంటే.. ఈ చిత్రం క్లైమాక్స్ లో హీరో కార్తికేయకి ఆలాగే మహేష్ కు మధ్య ఓ ఫైట్ పెట్టాలని దర్శకుడు అర్జున్.. అనుకున్నాడట. ఇదే విషయాన్ని మహేష్ కు కూడా చెప్పాడట.’3 నెలలు నీకోసం సినిమా ఆపుతాను.. 6 ప్యాక్ చేసుకొస్తావా’ అని దర్శకుడు మహేష్ ను అడిగాడట. కానీ అందుకు మహేష్ .. అది వర్కౌట్ అవ్వదు సార్ అని సున్నితంగా దర్శకుడి ప్రొపోజల్ ను తిరస్కరించాడట. ‘దర్శకుడు అంత ప్రాముఖ్యత ఇవ్వడమే తనకి చాలా సంతృప్తిని ఇచ్చినట్టు’ మహేష్ చెప్పుకొచ్చాడు.

Most Recommended Video

ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!