Priyanka Jawalkar: సినిమాలకు ఇన్‌స్టాగ్రామ్‌కు ఇంత తేడా ఏంటి?

సినిమావాళ్లు లావెక్కడం, అవసరమైనప్పుడు తగ్గిపోవడం చూస్తుంటాం. గతంలో చాలామంది హీరోయిన్లు ఇలా స్లిమ్‌ టు డ్రమ్‌… డ్రమ్‌ టు స్లిమ్‌ అయి ఉన్నారు. తాజాగా అలాంటి ఫీట్‌ చేసిన నటి ప్రియాంక జవాల్కర్‌. ఇటీవల ‘తిమ్మరసు’, ‘ఎస్‌ ఆర్‌ కళ్యాణమండపం’ సినిమాలతో ప్రేక్షకుల ముందుకొచ్చింది. అయితే ఈ సినిమాల్లోనూ ప్రియాంక లుక్స్‌ కాస్త ఇబ్బంది పెట్టాయనే చెప్పాలి. ‘టాక్సీవాలా’లో సన్నజాజిలా కనిపించి అలరించిన ప్రియాంక జవాల్కర్‌ … ‘తిమ్మరసు’, ‘ఎస్‌ ఆర్‌ కళ్యాణమండపం’ సినిమాల్లోని తొలి సీన్స్‌లో సన్నగానే ఉండేది.

ఆ తర్వాత తర్వాత సీన్స్‌లో చూస్తే బొద్దుగా కనిపిస్తుంది. దాన్ని కవర్‌ చేయడానికి సినిమాలో ఇతర పాత్రలో హీరోయిన్‌ పాత్ర మీద సెటైర్లు కూడా వేయించారు. అయితే సినిమాలు చూసి… ఇన్‌స్టాగ్రామ్‌లో ఆ ప్రొఫైల్‌ చూస్తే అవాక్కవడం పక్కా. ఎందుకంటే అంతగా నాజూకుగా మారింది మరి. ఆ సినిమా ప్రచారం కోసం ప్రియాంక జవాల్కర్‌ కొన్ని ఫొటో షూట్లు చేసింది. ఆ తర్వాత ప్రచార కార్యక్రమాలకు వచ్చినప్పుడు కొన్ని పోజులిచ్చింది.

వాటిలో మునపటి ప్రియాంకను చూడొచ్చు. దీంతో సినిమాల్లో చూసిన ప్రియాంక జవాల్కర్, ఇప్పుడు సోషల్‌ మీడియాలో చూస్తున్న ప్రియాంక ఒకరేనా అనే డౌట్‌ ప్రేక్షకులకు వస్తోందంటే అతిశయోక్తి కాదు. అలా ఎలా మారిపోయిందో… ప్రియాంక చెబితే బాగుండు.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!