యువత మదిని టచ్ చేసే “మెంటల్ మదిలో”!

కొత్త టీమ్ తో పెళ్లిచూపులు వంటి అద్భుత విజయాన్ని అందుకున్న నిర్మాత రాజ్ కందుకూరి మరో కొత్త టీమ్ తో సరికొత్త కథతో రేపు ప్రేక్షకుల ముందుకు రాబోతున్నారు. యువతను టార్గెట్ చేస్తూ శ్రీ విష్ణు హీరోగా ఆయన నిర్మించిన మెంటల్ మదిలో సినిమా రేపు రిలీజ్ కాబోతోంది. ఈ సినిమా ప్రముఖ నిర్మాత సురేష్ బాబుకి నచ్చింది. అందుకే సురేష్ ప్రొడక్షన్స్ సమర్పణలో ఈ సినిమాను రిలీజ్ చేస్తున్నారు. దీంతో ఈ చిత్రం మరో పెళ్లిచూపులు అవుతుందని, ఆ మూవీ రికార్డులను చెరిపివేస్తుందని ఫిలిం నగర్ వాసులు చెప్పుకుంటున్నారు. ఈ చిత్రాన్ని చూసిన కొంతమంది అందించిన సమాచారం ప్రకారం.. సపోర్టింగ్ రోల్స్ లో  గుర్తింపు తెచ్చుకున్న శ్రీ విష్ణు హీరోగా ఇందులో మంచి నటన కనబరిచారని తెలిసింది.

నివేథ పెతురాజ్  స్వేచ్ఛ పాత్రకు న్యాయం చేసిందని, తొలి చిత్రమే అయినా సంగీత దర్శకుడు ప్రశాంత్ ఆర్ విహారి మంచి మెలోడీస్ తో పాటు అద్భుతమైన నేపథ్య సంగీతం అందిచారని అభినందిస్తారు. ఆలాగే యువ దర్శకుడు వివేక్ ఆత్రేయ విభిన్నమైన ప్రేమకథను సరికొత్తగా తెరకెక్కించిన విధానం నేటి యువత మెప్పు అందుకుంటుందని సినీ విశ్లేషకులు భావిస్తున్నారు. వీరి అంచనాలు ఎంతవరకు నిజమవుతాయో కొన్ని గంటల్లో తెలియనుంది.