Director Maruthi: ‘మంచి రోజులు వచ్చాయి’ అంటోన్న మారుతి!

June 14, 2021 / 06:35 PM ISTByFilmy Focus

Join Us

Director Maruthi: ‘మంచి రోజులు వచ్చాయి’ అంటోన్న మారుతి!

దర్శకుడు మారుతి చిన్న సినిమాలతోనే ఇండస్ట్రీలో బాగా పాపులర్ అయ్యారు. ఆ తరువాత మెల్లగా బడా స్టార్స్ ని డైరెక్ట్ చేసే అవకాశాలు దక్కించుకొని ఇప్పుడు ఇండస్ట్రీలో పేరున్న దర్శకుడిగా ఎదిగాడు. అలా చిన్న సినిమాలను లైట్ తీసుకోలేదు. తన కథలను మరొకరి చేతిలో పెడుతూ నిర్మాతగా తక్కువ బడ్జెట్ లో సినిమాలను నిర్మిస్తున్నాడు. ఆ సినిమాలను దగ్గరుండి చూసుకుంటూ దర్శకత్వ పర్యవేక్షణ చేస్తున్నాడు. ఇప్పుడు ఓటీటీ కోసం మారుతి ఓ సినిమా చేస్తోన్న సంగతి తెలిసిందే.

సంతోష్ శోభన్, మెహ్రీన్ జంటగా ఈ సినిమాను తెరకెక్కిస్తున్నాడు. దీనికి దర్శకత్వం ఆయనే చేస్తున్నప్పటికీ టైటిల్ లో మాత్రం ఆయన పేరుకి బదులు మరొక దర్శకుడి పేరు కనిపించనుంది. మారుతి కేవలం దర్శకత్వ పర్యవేక్షణ అనే కార్డు మాత్రమే వేసుకుంటున్నాడు. యూవీ క్రియేషన్స్ నిర్మిస్తోన్న ఈ సినిమాకి తాజాగా ఓ టైటిల్ ని ఫిక్స్ చేసినట్లు సమాచారం. ఇంతకీ ఆ టైటిల్ ఏంటంటే ‘మంచి రోజులు వచ్చాయి’. గేటెడ్ కమ్యూనిటీ నేపథ్యంలో ఈ సినిమా సాగుతుందట.

ఇందులో కరోనా సమస్యను కూడా చూపించబోతున్నారు. కరోనాకు ముందు మొదలైన కథ.. కరోనా వెళ్లిపోవడంతో ముగుస్తుందని సమాచారం. మంచి ఎండింగ్ తో సినిమా క్లైమాక్స్ డిజైన్ చేశారని.. దానికి సింబాలిక్ గానే ‘మంచి రోజులు వచ్చాయి’ అనే టైటిల్ ఎన్నుకున్నట్లు తెలుస్తోంది.