సినిమా కథను రాసుకున్నప్పుడే ఓ టైటిల్ అనుకుంటారు. చిత్ర బృందానికి నచ్చితే దాన్నే ఫైనల్ చేస్తుంటారు. చివర్లో టైటిల్ రిజిస్ట్రేషన్ ఇబ్బందులు రాకుండా ఉండాలని ముందుగానే ప్రకటిస్తుంటారు. సూపర్ స్టార్ మహేష్ బాబు 23 వ మూవీ విషయంలో మాత్రం రొటీన్ కి బిన్నంగా చేస్తున్నారు. మురుగదాస్ దర్శకత్వంలో తెరకెక్కుతోన్న ఈ మూవీ దాదాపు 90 శాతం షూటింగ్ కంప్లీట్ చేసుకుంది. ఈనెల చివరికి ప్రొడక్షన్ వర్క్ పూర్తి అవుతుంది. అయినా ఇంతవరకు ఈ మూవీ టైటిల్ ని చిత్ర యూనిట్ వెల్లడించలేదు. అయితే ప్రచారంలో మాత్రం బోలెడు పేర్లు చక్కర్లు కొడుతున్నాయి. ఎనిమీ, ఏజెంట్ శివ, అభిమన్యు, స్టన్ గన్, వాస్కోడిగామా, సంభవామి అని అరడజను టైటిళ్లు మహేష్ సినిమా పేరుగా సోషల్ మీడియాలో హల్ చల్ చేస్తున్నాయి.
ఈ టైటిల్స్ ని మురుగదాస్ డైరక్ట్ గా ఖండించలేదు. అలా అని ఒప్పుకోనూ లేదు. తెలుగు, తమిళ భాషల్లో రూపుదిద్దుకుంటున్న ఈ మూవీకి తాజాగా మరో పేరు బయటికి వచ్చింది. అదే “మర్మం”. ఈ పేరును మహేష్ ఖరారు చేశారని వార్తలు వినిపిస్తున్నాయి. ఇందులో ఎంతవరకు నిజం ఉంది తెలియాలంటే ఈనెల 29 వరకు ఆగాల్సిందే. ఎందుకంటే అప్పుడే ఈ ఫిల్మ్ ఫస్ట్ లుక్ రిలీజ్ కానుంది. ఠాగూర్ మధు, ప్రసాద్ లు సంయుక్తంగా నిర్మిస్తున్న మూవీ జూన్ 23వ థియేటర్లోకి రానుంది.
Also, do SUBSCRIBE to our YouTube channel to get latest Tollywood updates.
