RRR Movie: బాబాయ్, అబ్బాయ్ ఒకే వేదికపై కనిపిస్తారా?

అత్యంత భారీ బడ్జెట్ తో తెరకెక్కిన ఆర్ఆర్ఆర్ మూవీ ఈ ఏడాది మార్చి నెల 25వ తేదీన థియేటర్లలో రిలీజ్ కానుంది. ఎన్నో ఆటంకాలను ఎదుర్కొని వాయిదాలు పడిన ఈ సినిమాను చివరకు చెప్పిన డేట్ కు రిలీజ్ చేయడానికి మేకర్స్ సిద్ధమయ్యారు. ఓవర్సీస్ లో ఈ సినిమాకు సంబంధించి ఇప్పటికే అడ్వాన్స్ బుకింగ్ మొదలుకావడంతో ఈ సినిమా రిలీజ్ డేట్ విషయంలో దాదాపుగా మార్పు లేనట్టేనని చెప్పవచ్చు. తారక్, చరణ్ కెరీర్ బెస్ట్ ఫిల్మ్ గా ఆర్ఆర్ఆర్ నిలిచే ఛాన్స్ ఉంది.

త్వరలో ఈ సినిమా ప్రీ రిలీజ్ ఈవెంట్ హైదరాబాద్ లో గ్రాండ్ గా జరగనుందని తెలుస్తోంది. ఇప్పటికే ఆర్ఆర్ఆర్ సినిమాపై అంచనాలను పెంచేసిన జక్కన్న ప్రీ రిలీజ్ ఈవెంట్ ద్వారా అంచనాలను మరింత పెంచాలని భావిస్తున్నారు. బాహుబలి2 సినిమాతో బాక్సాఫీస్ వద్ద రాజమౌళి అద్భుతాలు చేయగా ఆర్ఆర్ఆర్ సినిమా కూడా ఆ మ్యాజిక్ ను రిపీట్ చేస్తుందని ఫ్యాన్స్ అనుకుంటున్నారు. ఆర్ఆర్ఆర్ ఈవెంట్ కు చిరంజీవి, బాలయ్యలను జక్కన్న ఆహ్వానించనున్నారని సమాచారం.

ఈ మధ్య కాలంలో బాలకృష్ణ, యంగ్ టైగర్ ఎన్టీఆర్ ఒకే వేదికపై కనిపించలేదు. బాలయ్య, ఎన్టీఆర్ మధ్య మనస్పర్ధలు లేకపోయినా వీళ్లిద్దరి మధ్య గ్యాప్ ఉందని ఫ్యాన్స్ భావిస్తున్నారు. ఆర్ఆర్ఆర్ ఈవెంట్ కు బాలయ్య హాజరైతే మాత్రం ఈ వార్తలు కూడా ఆగిపోయే అవకాశాలు అయితే ఉంటాయని చెప్పవచ్చు. బాలయ్య, ఎన్టీఆర్ లను ఒకే వేదికపై చూడాలని ఫ్యాన్స్ కోరుకుంటున్నారు. నిర్మాత డీవీవీ దానయ్య ఆర్ఆర్ఆర్ సినిమాను అత్యంత భారీ బడ్జెట్ తో నిర్మించారు.

500 కోట్ల రూపాయల బడ్జెట్ తో తెరకెక్కిన ఈ సినిమా బాక్సాఫీస్ వద్ద ఏ స్థాయిలో కలెక్షన్లను సొంతం చేసుకుంటుందో చూడాల్సి ఉంది. ఇప్పటికే విడుదలైన ఆర్ఆర్ఆర్ ట్రైలర్ కు ప్రేక్షకుల నుంచి పాజిటివ్ రెస్పాన్స్ వచ్చిన సంగతి తెలిసిందే. అలియా భట్, ఒలీవియా మోరిస్ ఈ సినిమాలో హీరోయిన్లుగా నటించారు.

బిగ్ బాస్ నాన్ స్టాప్ 17మంది కంటెస్టెంట్స్ గురించి మీకు తెలియని ఆసక్తికరమైన విషయాలు!

Most Recommended Video

‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!