టాలీవుడ్ కి పరిచయమవుతున్న మరో తెలుగమ్మాయి.!

తెలుగు చిత్ర పరిశ్రమలో ఇప్పుడిప్పుడే తెలుగు అమ్మాయిలా హవా పెరుగుతోంది. నిహారికా, ఇషా రెబ్బా, రీతూ వర్మ  తదితరులు చక్కని నటన ప్రదర్శిస్తూ.. విజయాలను సొంతం చేసుకుంటున్నారు. తాజాగా మరో తెలుగు అమ్మాయి హీరోయిన్ గా అడుగు పెట్టబోతోంది. ఆమె షాలిని వదనకట్టి. ఈమె ఇప్పటికే తమిళంలో హీరోయిన్ గా నిరూపించుకుంది. కొన్ని కన్నడ సినిమాలకు సైన్ చేసింది. తాజాగా తెలుగు సినిమాకి ఒకే చెప్పినట్టు సమాచారం. దగ్గుబాటి రానా ఓ చిత్రాన్ని నిర్మించబోతున్నారు. క్షణం వంటి సూపర్ హిట్ మూవీని తెరకెక్కించిన రవికాంత్ పెరెపు ఈ సినిమాని రూపొందించనున్నారు. ఇందులో హీరోగా సిద్ధూ జొన్నలగడ్డ నటిస్తున్నారు.

ఈ సినిమా గురించి షాలిని మాట్లాడుతూ.. “నేను ఇదివరకు సిద్ధూ సినిమాకోసం ఆడిషన్స్ లో పాల్గొన్నాను. రీసెంట్ గా  రవికాంత్ నిర్వహించిన ఆడిషన్స్ లోను పాల్గొన్నాను. రవికాంత్ గురించి అప్పుడే తెలుసుకున్నాను. అతని దర్శకత్వంలో నటించే అవకాశం రావడం సంతోషం” అని చెప్పింది. ఇంకా ఈ సినిమాలో తన పాత్ర గురించి చెబుతూ” ఇందులో నేను రాధా క్యారక్టర్ పోషించబోతున్నారు. మోడరన్ కాలేజ్ గర్ల్ రోల్. ముగ్గురు హీరోయిన్స్ లో ఒకరిగా కనిపించబోతున్నాను” అని వివరించింది.  షాలిని షాలిని వదనకట్టి కూడా తెలుగులో మంచి నటిగా పేరు తెచ్చుకోవాలని ఫిల్మీ ఫోకస్ కోరుకుంటోంది.