నా కూతురు పెళ్లి రోజు కచ్చితంగా ఏడుస్తా… నన్ను కన్సోల్ చేయడానికి నా ఫ్రెండ్స్‌ సిద్ధంగా ఉండాల్సిందే… అంటూ ఐరా ఖాన్ పెళ్లి అనౌన్స్‌ చేసిన రోజే చెప్పాడు బాలీవుడ్ మిస్టర్‌ పర్‌ఫెక్ట్‌ ఆమిర్ ఖాన్. ఏదో మాట వరసకు అన్నాడులే నిజంగానే ఏడుస్తాడా అని అనుకున్నారు అప్పుడంతా. అయితే ఆమిర్ – ఐరా బాండింగ్‌ గురించి తెలిసినవాళ్లు మాత్రం ఆమిర్ నిజంగా ఏడుస్తాడు… సగటు తండ్రిలా కన్నీళ్లు పెట్టుకుంటారు అని అన్నారు. అనుకున్నట్లుగానే ఏడ్చాడు కూడా. అయితే అది నటన అంటోంది ఐరా.
ఆమిర్ ఖాన్ మొదటి భార్య కూతురు ఐరా ఖాన్ ఇటీవల మూడు ముళ్ల బంధంతో సంసార జీవితాన్ని మొదలు పెట్టింది. తన బాయ్ ఫ్రెండ్, ఫిట్నెస్ ట్రైనర్ అయిన నుపుర్ శిఖరేను వివాహం చేసుకుంది. తొలుత రిజిస్ట్రేషన్ మ్యారేజ్ చేసుకున్న వీళ్లు… ఆ తర్వాత రాజస్థాన్‌లోని ఉదయ్‌పూర్‌లో అట్టహాసంగా మరోసారి పెళ్లి చేసుకున్నారు. ఆ తర్వాత రిసెప్షన్ కూడా ఏర్పాటు చేశారు. ఈ వేడుకకు ఆమిర్ ఖాన్, తన మాజీ భార్యలు రీనా దత్తా, కిరణ్ రావ్‌తో హాజరయ్యాడు.
ఇక పెళ్లి సందర్భంగా ఆమిర్ (Aamir Khan) భావోద్వేగం గురించి ఇటీవల ఐరా దగ్గర ప్రస్తావిస్తే… పాపా ఏడుస్తున్నట్లు బాగా నటించాడని, మైక్ దగ్గరగా ఉన్నప్పుడు గట్టిగా ఏడ్చాడు… అదే మైక్ దూరంగా వెళ్లగానే సైలెంట్ అయ్యాడు అని చెప్పుకొచ్చింది ఐరా. ఇన్‌స్టాగ్రామ్‌లో ఈ వీడియో ఇప్పుడు వైరల్‌ అవుతోంది. అయితే ఇదంతా ఆమె సరదాగా చేసిన కామెంట్సే. ఇక పెళ్లికి ముందు ఐరా – నుపుర్ కొంతకాలం ప్రేమాయణం కొనసాగించారు.
2021లో ఓ మారథాన్‌లో పాల్గొనడానికి ఇటలీ వెళ్ళినప్పుడు ఐరాకు నుపుర్ ప్రపోజ్ చేశాడు. దానికి ఓకే చేసిన ఆమె పెళ్లికి గ్రీన్ సిగ్నల్ ఇచ్చింది. నుపుర్ ఆమిర్ ఖాన్, కిరణ్ రావ్‌తోపాటు చాలామంది సెలబ్రిటీలకు ఫిట్నెస్ ట్రైనర్‌గా పని చేశాడు. ఆమిర్ దగ్గర ఫిట్నెస్ ట్రైనర్‌గా ఉన్నప్పుడే ఐరాకు కూడా ట్రైనర్‌గా చేశాడు. అప్పుడే ఇద్దరి మధ్య ప్రేమ చిగురించింది అని అంటారు.
‘గుంటూరు కారం’ లో ఆకట్టుకునే డైలాగులు ఇవే.!
‘గుంటూరు కారం’ తో పాటు సంక్రాంతి సీజన్ వల్ల సేఫ్ అయిన 10 సినిమాల లిస్ట్.!
2023లో అభినయంతో ఆకట్టుకున్న అందాల భామలు.!
Home