సునీల్ హీరోయిన్ తో ఆది ప్రేమాయణం.. నిజమేనా?

సీనియర్ డైరెక్టర్ రవిరాజా పినిశెట్టి గురించి ప్రత్యేక పరిచయం అవసరం లేదు. గతంలో ఆయన తెలుగు, తమిళంలో ఎన్నో సూపర్ హిట్ చిత్రాలను తెరకెక్కించిన సంగతి తెలిసిందే. ఆయన కొడుకుగా ఇండస్ట్రీకి ఎంట్రీ ఇచ్చిన ఆది పినిశెట్టి కూడా తన వైవిద్యమైన నటనతో మంచి క్రేజ్ ను సంపాదించుకున్నాడు. ఓ వైపు హీరోగా సినిమాలు చేస్తూనే.. మరోపక్క విలన్ గా ‘సరైనోడు’ ‘అజ్ఞాతవాసి’ అలాగే సహాయనటుడుగా ‘నిన్ను కోరి’ ‘రంగస్థలం’ వంటి సినిమాల్లో నటించి తెలుగు ప్రేక్షకుల అభిమానాన్ని సొంతం చేసుకున్నాడు.

ఇదిలా ఉండగా ఆది పై ఇప్పటి వరకూ ఎటువంటి రూమర్స్ వినిపించింది లేదు. అయితే ఇప్పుడు ఆది ఓ హీరోయిన్ తో ప్రేమలో ఉన్నట్టు ప్రచారం జరుగుతుండడం ఆశ్చర్యం కలిగించే విషయం. ఆ హీరోయిన్ మరెవరో కాదు నిక్కీ గల్రాని. ‘బుజ్జిగాడు’ సినిమాలో ప్రభాస్ మరదలిగా నటించిన సంజనా గల్రాని చెల్లెలే ఈ నిక్కీ గల్రాని. ఆది హీరోగా నటించిన ‘మలుపు’ మరియు ‘మరకతమణి’ చిత్రాల్లో ఈమె హీరోయిన్ గా నటించింది. తెలుగు ప్రేక్షకులకు కూడా ఈమె సుపరిచితమే..!

సునీల్ హీరోగా నటించిన ‘కృష్ణాష్టమి’ చిత్రంలో ఈమె హీరోయిన్ గా నటించింది. ఇదిలా ఉండగా.. జూలై 14న ఆది తండ్రి రవిరాజా పినిశెట్టి పుట్టినరోజు కావడంతో కేవలం కుటుంబ సభ్యుల సమక్షంలోనే వేడుకలు నిర్వహించారట. ఈ వేడుకకి నిక్కీ కూడా హాజరయ్యింది. దాంతో ‘ఆది, నిక్కీ ప్రేమలో ఉన్నారు..త్వరలో పెళ్లిచేసుకోబోతున్నారు’ అంటూ ప్రచారం జరుగుతుంది. మరి ఈ ప్రచారంలో ఎంతవరకూ నిజముందో తెలియాల్సి ఉంది.

1

2

Most Recommended Video

చిరంజీవి, బాలకృష్ణలు తలపడిన 15 సందర్భాలు!
తమ ఫ్యామిలీస్ తో సీరియల్ ఆర్టిస్ట్ ల.. రేర్ అండ్ అన్ సీన్ పిక్స్..!
ఇప్పటివరకూ అత్యధిక కలెక్షన్లను రాబట్టిన తెలుగు సినిమాలు ఇవే!