వైష్ణవ్‌ నెక్స్ట్‌ పై కొత్త పుకార్లు.. నిజమవుతాయా?

తొలి సినిమా హిట్‌ కొడితే… వచ్చే కిక్‌ ఎంత బాగుంటుందో వైష్ణవ్‌ తేజ్‌ను అడగాలి. ఇటీవల తొలి సినిమాతో హిట్‌ కొట్టిన నాయకుడు అయనే కదా. అయితే ఆ తర్వాతి సినిమా ఏంటి అనే ప్రశ్న అవసరం లేదు. ఎందుకంటే క్రిష్ డైరక్షన్‌లో సినిమా షూటింగ్‌ కూడా అయిపోయింది కాబట్టి. దీంతో మూడో సినిమా ఏంటి అనేది ఇప్పుడు ప్రశ్న. దీనికి చాలా సమాధానాలు వినిపిస్తున్నాయి. తాజాగా ఆ సమాధానాల్లో ‘జాతిరత్నాలు’ దర్శకుడు అనుదీప్‌ వచ్చి చేరాడు.

వైష్ణవ్‌తేజ్‌ హీరోగా అనుదీప్‌ డైరక్షన్‌లో ఓ సినిమా ఉండబోతోందనేది తాజా పుకారు. ఇది వార్తగా, అప్‌డేట్‌ మారే అవకాశం చాలా ఎక్కువగా ఉన్నాయనేది టాలీవుడ్‌ టాక్‌. వైష్ణవ్‌తేజ్‌లో కామెడీ టైమింగ్‌ బాగుంటుందని, అందుకే మూడో సినిమా వినోదాత్మకంగా ఉంటే బాగుంటుందని మెగా కాంపౌండ్‌ అనుకుంటోందట. దీనికి ‘జాతిరత్నాలు’ లాంటి బంపర్‌ నవ్వలు హిట్‌ తీసిన అనుదీప్‌ అయితే బాగుంటాడని నిర్ణయించారట. బీవీఎస్‌ఎన్‌ ప్రసాద్‌ నిర్మాణంలో ఈ సినిమా ఉండొచ్చని సమాచారం.

మరోవైపు క్రిష్‌ దర్శకత్వంలో రూపొందిన ‘కొండపొలం’ (వర్కింగ్‌ టైటిల్‌ అంటున్నారు) పోస్ట్‌ ప్రొడక్షన్‌ పనులు జరుగుతున్నాయి. వీలైనంత త్వరగా వీటిని పూర్తి చేసుకొని సినిమాను విడుదల చేయాలని చిత్రబృందం చూస్తోందట. అయితే క్రిష్‌ ‘హరి హర వీరమల్లు’ పనుల్లో బిజీగా ఉండటంతో… వైష్ణవ్‌ సినిమా ఆలస్యమవుతోందట. ఈ సినిమాకు ‘జంగిల్‌ బుక్‌’ అనే పేరు పెడతారని పుకార్లు వచ్చాయి. అయితే ఆ పేరు పెట్టే అవకాశం తక్కువని గతంలోనే మనం చదువుకున్నాం. ఎందుకంటే క్రిష్‌ సినిమాల్లో , టైటిల్‌లో తెలుగు పక్కా కదా.

Most Recommended Video

శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!