తెలుగు చిత్ర పరిశ్రమలో ఏ హీరోయిన్ పై రాని పెళ్లి వదంతులు అనుష్క చుట్టూ తిరిగాయి. తోటి నటుడు ప్రభాస్ ని అనుష్క పెళ్లి చేసుకుందని అనేక సార్లు జాతీయ మీడియా సైతం కథనాలను ప్రచురించాయి. అయితే వాటన్నిటినీ స్వీటీ సున్నితంగా ఖండించింది. తాజాగా అనుష్కకి పేరెంట్స్ మంచి సంబంధాన్ని తీసుకొచ్చారని ఫిలిం నగర్ వాసులు చెప్పుకుంటున్నారు. దుబాయ్ లో బడా వ్యాపార వేత్త అనుష్కని పెళ్లి చేసుకోవడానికి ఆసక్తి చూపిస్తాడని సమాచారం. అతనంటే అనుష్కకి కూడా ఇష్టమని తెలిసింది. తల్లి దండ్రులు చూపించిన అబ్బాయిని చేసుకోవడానికి అనుష్క గ్రీన్ సిగ్నల్ ఇచ్చిన్నట్లు టాక్.
వీరి పెళ్లి ఈ ఏడాది చివర్లో జరుగుతుందని టాలీవుడ్ వర్గాలు తెలిపాయి. నిశ్చితార్ధం జరిగే వరకు వరుడి పేరు గానీ, ఫోటో కూడా బయటికి రాకుండా అనుష్క పేరెంట్స్ జాగ్రత్తలు తీసుకున్నారు. భాగమతి సినిమా తర్వాత అనుష్క కేవలం రెండు సినిమాలకే సంతకం చేసింది. తెలుగులో సైలెన్స్ అనే సినిమాకి ఓకే చెప్పగా.. తమిళంలో గౌతం మీనన్ డైరక్షన్ లో నటించడానికి గ్రీన్ సిగ్నల్ ఇచ్చింది. ఈ రెండు సినిమాల తర్వాత అనుష్క పెళ్లి పీఠలు ఎక్కడం ఖాయమని ఆమె సన్నిహితులు చెబుతున్నారు.
