టాలీవుడ్ లో ప్రముఖ నిర్మాతగా గుర్తింపు తెచ్చుకున్న బండ్ల గణేష్ కొన్నాళ్లుగా సినిమా నిర్మాణానికి దూరంగా ఉంటున్నారు. తన వ్యాపారాలతో బిజీగా ఉంటున్న బండ్ల గణేష్ కి పవన్ కళ్యాణ్ తో మరో సినిమా చేయాలని కోరిక. గతంలో వీరిద్దరి కాంబినేషన్ లో వచ్చిన ‘గబ్బర్ సింగ్’ ఇండస్ట్రీ రికార్డులను తిరగరాసింది. అప్పటినుండి పవన్ తో మరో సినిమా చేయడానికి తెగ ప్రయత్నిస్తున్నాడు బండ్ల గణేష్. కానీ పవన్ ఇప్పటివరకు గ్రీన్ సిగ్నల్ ఇవ్వలేదు.
ప్రస్తుతం పవన్ వరుస సినిమాలు ఒప్పుకోవడంతో ఎప్పుడో ఫ్రీ అవుతారో కూడా చెప్పలేని పరిస్థితి. అయినప్పటికీ బండ్ల గణేష్ మాత్రం తన ప్రయత్నాలు చేస్తూనే ఉన్నాడు. ఇదిలా ఉండగా.. గతేడాది ‘సరిలేరు నీకెవ్వరు’ సినిమాతో నటుడిగా రీఎంట్రీ ఇచ్చాడు బండ్ల గణేష్. ఇందులో కమెడియన్ గా కనిపించాడు. అయితే కొన్నిరోజులుగా బండ్ల గణేష్ ప్రధాన పాత్రలో ఓ సినిమా తెరకెక్కనుందని వార్తలు వస్తున్నాయి. ఈ వార్తలను ఖండించాడు బండ్ల గణేష్.
కానీ తాజాగా ఆయన ప్రధాన పాత్రలో సినిమా కన్ఫర్మ్ అయిందని సమాచారం. వెంకట్ అనే కొత్త దర్శకుడు బండ్ల గణేష్ ను హీరోగా పెట్టి సినిమా చేయాలనుకుంటున్నాడు. తక్కువ బడ్జెట్ లో ఈ సినిమా తీయాలని ప్లాన్ చేస్తున్నారు. త్వరలోనే దీనిపై అధికార ప్రకటన రానుంది.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
