‘ధూమ్‌’ సిరీస్‌ సినిమాలు గుర్తున్నాయా? ఇప్పుడంటే ఆ సిరీస్‌లో సినిమాలు రావడం లేదు కానీ… కొన్నేళ్ల క్రితం బాలీవుడ్‌కి బంగారు బాతు ఈ సిరీస్‌ సినిమాలు చెప్పాలి. అగ్ర హీరోలు ఏరి కోరి మరీ ఈ సినిమాలో విలన్‌ పాత్రల కోసం ముందుకొచ్చేవారు. అంతలా ఎందుకు అంటే ఆ సినిమాలో విలన్‌ హీరోలానే ఉంటాడు కాబట్టి. విలన్‌గా చూపిస్తారు కానీ… అతను ఎంతోమందికి నచ్చే హీరోగా సినిమాలో కనిపిస్తాడు. ఇప్పుడు ఈ సినిమా గురించి ఎందుకు చర్చ అంటే…
అలాంటి హీరో లాంటి విలన్‌తో ఓ సినిమా వస్తోంది అంటున్నారు కాబట్టి. అంతేకాదు ఆ హీరో లాంటి విలన్‌ తెలుగు స్టార్‌ హీరో కాబట్టి. ఈ క్లూస్‌తో ఆ సినిమా ‘వార్‌ 2’ అని, ఆ హీరో ఎన్టీఆర్‌ అని ఈజీగా చెప్పేస్తారు. అవును ‘వార్‌ 2’లో తారక్‌ పాత్ర గురించి గతంలో వచ్చిన పుకార్లు నిజం అని అంటున్నారు. ఈ మేరకు అదనపు సమాచారం ఇటీవల బయటికొచ్చింది. త్వరలో షూటింగ్‌ ప్రారంభం కానున్న ఈ సినిమా గురించి బాలీవుడ్‌ వర్గాల్లో ఓ ముచ్చట నడుస్తోంది.
ఈ సినిమాలో తారక్‌ (Jr NTR) విలన్‌గా నటించడం పక్కా అంటున్నారు. అయితే, అది ‘ధూమ్‌’ సినిమాల సిరీస్‌ తరహాలో ఉంటుందట. అంటే విలనే కానీ హీరో లెక్కన అన్నమాట. జాన్‌ అబ్రహం, హృతిక్‌ రోషన్‌, ఆమిర్‌ ఖాన్‌ తరహాలో అంటున్నారు. అయితే ఇప్పుడు ‘వార్‌ 2’లో హృతిక్‌ కూడా ఉండటంతో ఇద్దరూ హీరోలు లెక్కనే కనిపిస్తారట. అయాన్‌ ముఖర్జీ ఈ సినిమాను తెరకెక్కించనుండగా… బాలీవుడ్‌ బిగ్‌ ప్రొడక్షన్‌ హౌస్‌ యశ్‌ రాజ్‌ ఫిల్మ్స్ నిర్మిస్తోంది.
ఇప్పటికే సినిమా షూటింగ్‌ ప్రారంభమైంది అని కొందరు అంటుండగా… అలాంటిదేం లేదు అని మరికొందరు అంటున్నారు. ఇక ‘జై లవకుశ’ సినిమాలో తారక్‌ ఇప్పటికే ఓసారి నెగిటివ్‌ షేడ్స్‌ ఉన్న పాత్రలో కనిపించాడు. ఇప్పుడు మరోసారి అలాంటి ప్రయత్నం చేసి ఎలాంటి ఫలితం అందుకుంటాడో చూడాలి.
యాత్ర 2 సినిమా రివ్యూ & రేటింగ్!
ఈగల్ సినిమా రివ్యూ & రేటింగ్!
లాల్ సలామ్ సినిమా రివ్యూ & రేటింగ్!
