సమంత(Samantha) ప్రధాన పాత్రలో తెరకెక్కిన ‘మా ఇంటి బంగారం’ సినిమా ఈ శుక్రవారం అంటే జూన్ 19న విడుదల కానుంది. సొంత బ్యానర్ అయిన ‘ట్రాలాల మూవింగ్ పిక్చర్స్’ లో సమంత చేసిన సినిమా ఇది. 3 ఏళ్ళ తర్వాత సమంత ఫుల్ లెంగ్త్ లీడ్ రోల్ చేసిన సినిమా కావడంతో అంచనాలు బాగానే ఏర్పడ్డాయి. రిలీజ్ టైమ్ దగ్గర పడుతుండటంతో ‘మా ఇంటి బంగారం’ని అగ్రెసివ్ గా ప్రమోట్ చేయాలని సమంత డిసైడ్ అయ్యింది. ఈ క్రమంలో ఆమె వరుస ఇంటర్వ్యూలు ఇస్తూ హాట్ టాపిక్ అయ్యింది.
తాజాగా ‘ఫిల్మీ ఫోకస్’ ఛానల్ తో సమంత ముచ్చటించింది. ఇందులో భాగంగా.. యాంకర్ సమంతను “మీరు కావాలనుకుంటే చాలా స్క్రిప్ట్లు ఎంపిక చేసుకునే అవకాశం ఉంది. కానీ ఈ టైమ్లో పర్టిక్యులర్ గా ‘మా ఇంటి బంగారం’ స్క్రిప్ట్ నే ఎందుకు ఎంపిక చేసుకున్నారు? 5 ఏళ్ళ క్రితం కానీ లేదంటే భవిష్యత్తులో కూడా ఇలాంటి స్క్రిప్ట్ సెలెక్ట్ చేసుకునే అవకాశం ఉంది. కానీ ఎందుకు ఈ టైమ్లో ఈ స్క్రిప్ట్ పర్ఫెక్ట్ అని అనుకున్నారు?” అంటూ ప్రశ్నించాడు.
అందుకు సమంత బదులిస్తూ… “5 ఏళ్ళ క్రితం అయితే ఈ కథకు నేను పూర్తి న్యాయం చేయగలిగేదాన్ని కాదేమో.! అప్పట్లో నాపై నాకు అంత కాన్ఫిడెన్స్ లేదు. మనుషులుగా మనం ప్రతి 2 ఏళ్ళకు మారుతూ ఉంటాం! కొత్త పాఠాలు నేర్చుకుంటూ ఉంటాం. ప్రస్తుతం ఉన్న నా వ్యక్తిత్వానికి, ఆలోచనలకు ఈ కథ అయితే బాగా సెట్ అవుతుంది అనిపించింది. అందుకే నా సొంత ప్రొడక్షన్ హౌస్లోనే చేశాను” అంటూ చెప్పుకొచ్చింది.
