నాచురల్ స్టార్ నానికి (Nani) ప్రేక్షకుల్లో ఊహించని స్థాయిలో క్రేజ్, పాపులారిటీ, ఫ్యాన్ ఫాలోయింగ్ ఉంది. దసరా (Dasara), హాయ్ నాన్న (Hi Nanna) సినిమాల తర్వాత సరిపోదా శనివారం (Saripodhaa Sanivaaram) సినిమాతో నాని ఖాతాలో మరో బ్లాక్ బస్టర్ హిట్ చేరింది. వరుస విజయాలతో జోరుమీదున్న నాని శ్రీకాంత్ ఓదెల (Srikanth Odela) డైరెక్షన్ లో ఒక సినిమాకు, శైలేష్ కొలను (Sailesh Kolanu) డైరెక్షన్ లో మరో సినిమాకు గ్రీన్ సిగ్నల్ ఇచ్చారు. అయితే మొదట నాని శ్రీకాంత్ ఓదెల కాంబో మూవీ సెట్స్ పైకి వెళ్తుందని అందరూ భావించారు.
అయితే అందరి ఊహలకు భిన్నంగా నాని (Nani) మాత్రం హిట్3 సినిమాను తెరపైకి తెచ్చారు. హిట్3 సినిమాకు సంబంధించి తాజాగా విడుదలైన గ్లింప్స్ కు ప్రేక్షకుల నుంచి మంచి రెస్పాన్స్ వచ్చింది. ఈ సినిమాను 2025 సంవత్సరం మే నెల 1వ తేదీన థియేటర్లలో విడుదల చేయనున్నట్టు మేకర్స్ ప్రకటించారు. హిట్3 సినిమాలో అర్జున్ సర్కార్ పాత్రలో నాని కనిపించనున్నారు. ది రాజాసాబ్ (The Rajasaab) విడుదలైన మూడు వారాల తర్వాత ఈ సినిమా థియేటర్లలో విడుదల కానుంది.
అయితే ఈ మధ్య కాలంలో చాలామంది హీరోలు మొదట తమ సినిమాల రిలీజ్ డేట్లను ప్రకటించి చెప్పిన సమయానికి సినిమాలను మాత్రం విడుదల చేయడంలో ఫెయిల్ అయ్యారు. అయితే నాని మాత్రం ఈ సినిమా రిలీజ్ విషయంలో మాట మీద నిలబడతారా అనే చర్చ సోషల్ మీడియాలో జరుగుతోంది. నాని (Nani) పారితోషికం కూడా ఒకింత భారీ స్థాయిలోనే ఉందనే సంగతి తెలిసిందే.
అయితే హిట్1 సక్సెస్ సాధించిన స్థాయిలో హిట్2 మూవీకి పాజిటివ్ రెస్పాన్స్ రాలేదు. హిట్3 మూవీ నాని రేంజ్ కు అనుగుణంగా సక్సెస్ సాధించాలంటే ఈ సినిమా అన్ని వర్గాల ప్రేక్షకులను మెప్పించాలి. నాని సొంత బ్యానర్ పై ఈ సినిమా తెరకెక్కుతోంది. యునానిమస్ ప్రొడక్షన్స్, వాల్ పోస్టర్ సినిమాస్ సంయుక్తంగా ఈ సినిమాను నిర్మిస్తున్నాయి. నాని కెరీర్ పరంగా భారీ విజయాలను అందుకోవాలని ఫ్యాన్స్ భావిస్తున్నారు.
