హీరోహీరోయిన్లు తాము నటించే ప్రతి సినిమాను తమ మొదటి సినిమాగా భావించి నటిస్తామని ఇంటర్వ్యూల్లో చెబుతుంటారు. అలా అనుకోని నటించడం వల్ల ఒళ్ళు దగ్గర పెట్టుకొని నటించినట్లు ఉంటుందని వారి భావన. అయితే.. “హెలో” ప్రీరిలీజ్ ఈవెంట్ లో నాగార్జున మాట్లాడుతూ.. “అఖిల్ ని ఇలాంటి సినిమాతో ఎంట్రీ ఇప్పిద్దామనుకున్నాను. ఇది అఖిల్ కి రీరీ ఎంట్రీ లాంటి సినిమా” అని చెప్పడం అప్పట్లో పెద్ద సెన్సేషన్ అయ్యింది. ఇప్పుడు మన బెల్లంకొండ శ్రీనివాస్ బాబు కూడా అదే ఫార్మాట్ ను ఫాలో అవుతూ “ఇప్పటివరకూ చాలా తప్పులు చేశాను కానీ.. రాక్షసుడు నా మొదటి సినిమా. ఇకనుంచి మిమ్మల్ని తప్పకుండా అలరిస్తాను. నా రెండో సినిమా కోసం వెయిట్ చేయండి” అని బెల్లంకొండ శ్రీనివాస్ అనడం గమనార్హం.
అంటే అఖిల్ రెండో సినిమాకి రీరీ ఎంట్రీ అంటే.. బెల్లంకొండ శ్రీనివాస్ 7వ చిత్రానికి ఎన్ని “రీ”లు పెట్టాలా అని చర్చించుకొంటున్నారు. తమిళంలో ఘన విజయం సొంతం చేసుకొన్న “రాట్ససన్” చిత్రానికి రీమేక్ గా రూపొందిన “రాక్షసుడు” సినిమాపై బెల్లం బాబు మాత్రమే కాదు అనుపమ కూడా చాలా ఆశలు పెట్టుకొంది. ఈ సినిమా హిట్ అయితేనే వీరిద్దరి మనుగడ సాధ్యమవుతుంది. ఆగస్ట్ 2న విడుదలవుతున్న ఈ చిత్రం ప్రేక్షకులకు మంచి అంచనాలే ఉన్నాయి.
Home
