హిట్ సినిమా.. అందులోనూ సూపర్‌ హిట్ సినిమాకు సీక్వెల్‌ రావడం అంత సులభం కాదు. తొలి సినిమాకు మించిన కథ, కథనం, క్యాస్టింగ్‌తో సినిమా సిద్ధం చేయాలి. విజయవంతంగా సినిమా పూర్తి చేసి ప్రేక్షకుల ముందుకు తెచ్చి విజయం సాధించాలి. తెలుగు పరిశ్రమలో సీక్వెల్స్‌ అంతగా అచ్చి రాకపోయినా, తమిళ పరిశ్రమకు బాగానే అచ్చొస్తున్నాయి. ఆ విషయం పక్కనపెడితే ‘భారతీయుడు’ సీక్వెల్‌కు ఇంకా బాలారిష్టాలు తొలగిపోవడం లేదు. సినిమా ప్రారంభం నుంచి ఏదో ఒక అడ్డు పడుతూనే ఉంది. అన్నీ దాటుకొని వెళ్తున్నా, తాజాగా మారో అడ్డండి వచ్చింది.
ఇండస్ట్రీ హిట్స్‌లో ఒకటైన ‘భారతీయుడు’కి సీక్వెల్‌గా ‘ఇండియన్ 2’ తెరకెక్కుతున్న విషయం తెలిసిందే. కమల్ హాసన్ – శంకర్‌ కాంబోలోనే ఈ సినిమా రూపొందుతోంది కరోనా కంటే ముందే ఈ సినిమా మొదలైంది. అయితే అప్పటి నుంచి ఏదో రూపంలో సినిమాకు ఇబ్బందులు ఎదురవుతున్నాయి. మొదట్లో కమల్ హాసన్‌కు మేకప్ వల్ల చర్మ సమస్యలు వచ్చాయని వార్తలొచ్చాయి. అదే సమయంలో సినిమా చిత్రీకరణ ఆగింది. ఆ తర్వాత సినిమా మొదలైనా షూటింగ్ స్పాట్‌లో క్రేన్ మీద పడడంతో ముగ్గురు చనిపోయారు.
సినిమా క్రూ చనిపోయిన ఘటన విషయంలో కాస్త విభేదాలు తలెత్తాయి. దాంతో సినిమా ఆగిపోతుందేమో అనుకున్నారు. కానీ అన్నీ కుదురుకున్నాయి. ఈ లోగా కరోనా వచ్చింది. దాంతో దాదాపు సంవత్సర కాలం వేస్ట్ అయిపోయింది. ఇప్పుడు మళ్లీ షూటింగ్ మొదలుపెట్టేద్దాం అనుకుంటే షాక్‌ తగిలిందట. సినిమాకు ఛాయాగ్రాహకుడిగా పని చేస్తున్న రత్నవేలు తప్పుకున్నట్లు సమాచారం. సినిమాకు మొదట రవి వర్మన్‌ను డీవోపీ అనుకున్నారు. అతను తప్పుకోవడంతో రత్నవేలు వచ్చారు. ఇప్పుడు ఆయన కూడా వెళ్లిపోయారట.
Most Recommended Video
వామ్మో.. సుమంత్ ఇన్ని హిట్ సినిమాలను మిస్ చేసుకున్నాడా..!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
ఈ 10 మంది బుల్లితెర సెలబ్రిటీలు 30 ఏళ్ళ వయసొచ్చినా పెళ్లి చేసుకోలేదట..!
Home