సుప్రీమ్ హీరో సాయిధరమ్ తేజ్ ప్రస్తుతం ‘చిత్రలహరి’ అనే చిత్రంలో హీరోగా నటిస్తున్నాడు. ‘సెకండ్ హ్యాండ్’ ‘నేను శైలజ’ ‘ఉన్నది ఒకటే జిందగీ’ వంటి చిత్రాలను తెరకెక్కించిన కిషోర్ తిరుమల డైరెక్షన్లో ఈ చిత్రం రూపొందుతుంది. ‘హలో’ ఫేమ్ కల్యాణి ప్రియదర్శన్, నివేదా పేతురాజ్ హీరోయిన్లుగా నటిస్తున్న ఈ చిత్రాన్ని ‘మైత్రి మూవీ మేకర్స్’ నిర్మిస్తున్నారు. దేవి శ్రీ ప్రసాద్ సంగీతం అందిస్తున్న ఈ చిత్రం సమ్మర్ కానుకగా ఏప్రిల్ లో విడుదల చేయనున్నారు.
ఇదిలా ఉండగా… ఈ చిత్రాన్ని మొదట 20 కోట్ల బడ్జెట్ తో నిర్మించాలని ‘మైత్రీ మూవీ మేకర్స్’ భావించారట. అయితే 14 కోట్ల బడ్జెట్ లోనే చిత్రాన్ని పూర్తిచేచేయాలని ప్లాన్ చేస్తున్నట్టు తెలుస్తుంది. దీనికి ప్రధాన కారణం… గత రెండేళ్లుగా సాయిధరమ్ తేజ్ కి ఒక్క హిట్ కూడా లేదు. వరుసగా అరడజను ప్లాపులు అందుకోవడంతో… తేజు మార్కెట్ బాగా పడిపోయింది. ఇక ‘సవ్యసాచి’ ‘అమర్ అక్బర్ ఆంటోని’ చిత్రాలతో ‘మైత్రి మూవీ మేకర్స్’ సంస్థ వారు కూడా భారీగానే నష్టపోయారు. ఈ కారణంగానే ఈ చిత్ర బడ్జెట్ ని తగ్గించారని తెలుస్తుంది. ఇక ఈ చిత్రంతో హిట్టు కొట్టి మళ్ళీ బౌన్స్ బ్యాక్ అవ్వాలని తేజు భావిస్తున్నాడట. మరి చివరికి ఏం జరుగుతుందో చూడాలి..!
