స్ట్రెయిట్ పాయింట్కి వచ్చేద్దాం… టాలీవుడ్లో రీమేక్ సినిమాలకు కేరాఫ్ అడ్రెస్గా శ్రీకాంత్ అడ్డాల మారిపోయాడా? ఏమో.. ఆయనకు వస్తున్న అవకాశాలు చూస్తుంటే అలానే అనిపిస్తోంది. ప్రస్తుతం ‘అసురన్’ రీమేక్ చేస్తున్న శ్రీకాంత్ అడ్డాల దగ్గరకు మరో రీమేక్ ఛాన్స్ వచ్చిందట. ఈసారి బెల్లంకొండ ఆ ప్రపోజల్ తీసుకొచ్చాడట. ఇప్పుడు అర్థమైపోయుంటుంది ఆ సినిమా ఏంటో. ఆఁ… అదే ‘కర్ణన్’. ఇటీవల ఓటీటీలో విడుదైన ఈ హిట్ సినిమాను తెలుగులో బెల్లంకొండ సాయి శ్రీనివాస్ చేస్తాడని వార్తలొస్తున్న విషయం తెలిసిందే.
‘కర్ణన్’ రీమేక్ వార్త బయటికొచ్చింది మొదలు దర్శకుడిగా చాలా పేర్లు వినిపించాయి. అయితే ఏవీ ఫైనల్ కాలేదు. దీంతో బెల్లంకొండ చూపు శ్రీకాంత్ మీద పడిందట. ఆయన ‘అసురన్’ సినిమా రీమేక్గా ‘నారప్ప’ చేస్తుండటంతో ‘కర్ణన్’ కూడా బాగా హ్యాండిల్ చేస్తాడని అనుకుంటున్నారట. అందుకే సంప్రదించారని తెలుస్తోంది. అయితే శ్రీకాంత్ ఆలోచన వేరేగా ఉందట. ‘అసురన్’ విడుదలయ్యాక ఆ ఫలితం ప్రకారం కొత్త సినిమా ఓకే చేద్దాం అనుకుంటున్నారట.
తెలుగులో రీమేక్ దర్శకుడిగా పేరు పడిపోతే స్ట్రెయిట్ సినిమాలు రావడం కష్టమవుతుందంటారు. గతంలో ఒకరిద్దరు దర్శకులు అలా ఇబ్బందులు పడ్డారు. దీంతో శ్రీకాంత్ ఇలా ఆలోచిస్తున్నారేమో మరి. ఇటీవల కాలంలో వీవీ వినాయక్, హరీశ్ శంకర్, సురేందర్ రెడ్డి లాంటివాళ్లు రీమేక్లు చేసినా ఆ వెంటనే స్ట్రయిట్ సినిమా చేసి ఆ మచ్చ పడకుండా చూసుకున్నారు. కాబట్టి ఏం చేయాలో శ్రీకాంత్ అడ్డాల ఇష్టం మరి.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
