‘2.0’ చిత్రం తరువాత శంకర్ డైరెక్షన్లో కమలహాసన్ హీరోగా తెరకెక్కుతున్న చిత్రం ‘భారతీయుడు 2’. ‘లైకా ప్రొడక్షన్స్’ సంస్థ నిర్మిస్తున్న ఈ చిత్రంలో కాజల్ అగర్వాల్ హీరోయిన్ గా నటిస్తుంది. ఇప్పటికే ఈ చిత్ర షూటింగ్లో భాగంగా రెండు షెడ్యూల్స్ ను పూర్తిచేసుకుంది. మూడవ షెడ్యూల్ కి సంబంధించిన అప్ డేట్స్ బయటికి రాకపోవడంతో, ఈ సినిమా షూటింగ్ ఆగిపోయిందనే ప్రచారం జోరందుకుంది. ఆర్ధిక ఇబ్బందుల వల్ల దర్శక నిర్మాతల మధ్య తలెత్తిన విభేదాలే ఇందుకు కారణమనే టాక్ కూడా నడుస్తుంది.
అయితే అసలు కారణం వేరే ఉందట. ప్రస్తుతం తన రాజకీయ పార్టీకి సంబంధించిన పనుల్లో కమల్ హాసన్ బిజీగా ఉండడం వల్లే ఈ చిత్ర షూటింగ్ కి విరామం ఇచ్చారట. ఎన్నికలు పూర్తయిన వెంటనే షూటింగ్ పెట్టుకుందామని… దర్శక నిర్మాతలని కమల్ రిక్వెస్ట్ చేయడంతో ఈ గ్యాప్ ఏర్పడిందని తెలుస్తుంది. ఇక ఎన్నికలయిన వెంటనే 3వ షెడ్యూల్ ను ప్లాన్ చేసినట్టుగా తెలుస్తుంది. కొంత సమయం తీసుకుని మళ్ళీ ఈ ప్రాజెక్టు పట్టాలెక్కుతుందన్న మాట. ఈ గ్యాప్లో శంకర్ కూడా కొంతమంది హాలీవుడ్ టెక్నిషియల్ని సంప్రదించడానికి కూడా ప్రయత్నాలు చేస్తున్నారట.
Home