ఎప్పుడు జరిగిన విషయాలను అప్పుడే మాట్లాడుకోవాలి, అక్కడితో వదిలేయాలి అని చెబుతుంటారు. అయితే అప్పటికప్పుడు వదిలేద్దాం అనుకున్నా కొన్ని విషయాలు ఎప్పటికీ మరచిపోలేం. అలా ఓ విషయం గురించి శ్రుతి హాసన్‌ ఇటీవల మాట్లాడింది. అందులో ఆమె పడ్డ ఇబ్బంది గురించి విని చాలామంది విని.. ‘అయ్యో’ అనుకున్నారు. అయితే ఇక్కడే మరో విషయాన్ని చర్చకు తీసుకొచ్చి.. విషయాన్ని వైరల్‌ చేస్తున్నారు. అంతేకాదు గతంలో జరిగిన మరో విషయానికి దీన్ని లింక్‌ పెట్టి చూసి, అప్పుడేమైంది అంటూ చర్చ పెంచుతున్నారు.
విషయాన్ని క్లియర్‌గా చెప్పాలంటే.. మైనస్‌ డిగ్రీల చలిలో హీరో, హీరోయిన్లకు డ్యాన్స్‌లు చేయడం అంటే ఈజీనా? చాలా కష్టం అని చెప్పాలి. హీరోల సంగతి కాస్త ఫర్వాలేదు. ఎందుకంటే ఇలాంటి పాటల్లో హీరోయిన్లు చీరలోను, హీరోలు బ్లేజర్‌లు, కోట్లు వేసుకుని ఉంటారు. ఆ చలిలో, గాలిలో హీరోయిన్లు వణికిపోతుంటారు. ఆ కష్టం గురించి ఎంత చెప్పినా అర్థంకాకపోవచ్చు కూడా. దాని గురించే శ్రుతి హాసన్‌ ఇటీవల చెప్పింది. ఇదంతా ‘వాల్తేరు వీరయ్య’లోని పాటల గురించే అనేది తెలిసిందే.
‘వాల్తేరు వీరయ్య’ సినిమాలో రెండు పాటల కోసం విదేశాలకు వెళ్లినప్పుడు చిరుతో కలిసి మంచులో డ్యాన్స్‌ చేయాల్సి రావడం ఇబ్బందిగా అనిపించింది. ఆ చలిని భరించలేకపోవడం గురించి కూడా చెప్పింది. అయితే కొంతమంది మాత్రం 60 ఏళ్ల వయసు దాటిన చిరు కూడా అంత చలిలో చేశారు కదా.. నువ్వు ఇలా మాట్లాడితే ఎలా అని అంటున్నారు. అంతేకాదు శ్రుతి ఇబ్బందిపడిన విషయాన్ని చిరంజీవి కూడా ‘వాల్తేరు వీరయ్య’ ప్రచారంలో చెప్పిన విషయాన్ని గుర్తు చేస్తున్నారు. దాంతో మరో విషయాన్ని చర్చకు తీసుకొస్తున్నారు.
‘వాల్తేరు వీరయ్య’ సినిమాలో ప్రీ రిలీజ్‌ ఈవెంట్‌, ప్రచార కార్యక్రమాల్లో శ్రుతి పాల్గొనకపోవడం గురించి కూడా మాట్లాడుతున్నారు. అనారోగ్యం అంటూ ఆమె రాలేదని అప్పుడు టీమ్‌ చెప్పింది. అయితే కొంప దీసి ఈ చలి డ్యాన్స్‌ చేయించడమే కారణమా అని అంంటున్నారు?
రావణాసుర సినిమా రివ్యూ & రేటింగ్!
మీటర్ సినిమా రివ్యూ & రేటింగ్!
ఇప్పటివరకు ఎవరు చూడని రష్మిక రేర్ పిక్స్!
నేషనల్ అవార్డ్స్ అందుకున్న 10 మంది హీరోయిన్లు వీళ్లే..!
