Chiranjeevi: చిరు రీమేక్ మూవీకి ఆసక్తికర టైటిల్ల్..?

మెగాస్టార్ చిరంజీవి హీరోగా తెరకెక్కనున్న లూసిఫర్ రీమేక్ ఈ మధ్య కాలంలో ఎక్కువగా వార్తల్లో నిలుస్తున్న సంగతి తెలిసిందే. రాజకీయాల్లోకి ఎంట్రీ ఇవ్వకముందు ఎక్కువగా స్ట్రెయిట్ సినిమాల్లో నటించిన చిరంజీవి రీఎంట్రీలో మాత్రం రీమేక్ సినిమాలపై ఆసక్తి చూపిస్తున్నారు. లూసిఫర్ రీమేక్ కు చాలామంది డైరెక్టర్ల పేర్లు వినిపించినా చివరకు మోహన్ రాజా డైరెక్టర్ గా ఫైనల్ అయ్యారు. ఆచార్య షూటింగ్ పూర్తైన తరువాత చిరంజీవి లూసిఫర్ రీమేక్ లో నటించనున్నారు.

అయితే ఈ సినిమాకు సంబంధించి గతంలో కొన్ని టైటిల్స్ వినిపించగా తాజాగా ఇండస్ట్రీ వర్గాల్లో మరో టైటిల్ వినిపిస్తోంది. ఈ సినిమాకు కింగ్ మేకర్ అనే టైటిల్ ఫైనల్ అయినట్టు తెలుస్తోంది. అయితే ఈ టైటిల్ ను ఫిక్స్ చేశారో లేదో తెలియాలంటే చిత్రయూనిట్ స్పందించే వరకు ఆగాల్సిందే. మెగాభిమానులు మాత్రం ఈ టైటిల్ విషయంలో సంతృప్తి వ్యక్తం చేస్తున్నారు. మరికొన్ని రోజులు ఆగితే లూసిఫర్ రీమేక్ టైటిల్ కు సంబంధించి అధికారిక ప్రకటన వెలువడే అవకాశం ఉంది. లూసిఫర్ లో హీరోయిన్ లేకపోయినా తెలుగు రీమేక్ లో మాత్రం హీరోయిన్ ఉంటారని తెలుస్తోంది.

చిరంజీవి సూచనల మేరకు దర్శకుడు మోహన్ రాజా స్క్రిప్ట్ లో మార్పులు చేసినట్టు సమాచారం. మోహన్ రాజా ఇప్పటికే స్క్రిప్ట్ పనులు పూర్తి చేశారని తెలుస్తోంది. ఈ సినిమాలో హీరోయిన్ గా ఎవరు ఫైనలైజ్ అవుతారో చూడాల్సి ఉంది. ఈ సినిమాతో పాటు మెగాస్టార్ చిరంజీవి వేదాళం రీమేక్ లో, బాబీ డైరెక్షన్ లో స్ట్రెయిట్ మూవీలో నటించనున్నారు. చిరంజీవి సుజీత్ కాంబినేషన్ లో ఒక సినిమా తెరకెక్కనుందని వార్తలు వస్తున్నా ఆ వార్తలో నిజానిజాలు తెలియాల్సి ఉంది.

Most Recommended Video

ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!