విజయ్ సినిమాకి పోటీ తప్పేలా లేదు…!

సెన్సేషనల్ స్టార్ విజయ్ దేవరకొండ హీరోగా నటిస్తున్న తాజా చిత్రం ‘డియర్ కామ్రేడ్’. భరత్ కమ్మ డైరెక్షన్లో తెరకెక్కుతున్న ఈ చిత్రంలో రష్మిక మందన హీరోయిన్ గా నటిస్తుంది. సమ్మర్ కానుకగా మే 31న ఈ చిత్రాన్ని విడుదల చేయనున్నట్టుగా కొన్ని రోజుల క్రితమే ఈ చిత్ర యూనిట్ ‘మైత్రి మూవీ మేకర్స్’ సంస్థ ఈ టీజర్ ద్వారా వెల్లడించిన సంగతి తెలిసిందే. కేవలం తెలుగులో మాత్రమే కాదు తమిళ్ లో కూడా ఇదే డేట్ కి విడుదల చేయాలనీ చిత్ర యూనిట్ భావిస్తోందట. తమిళ్ లో కూడా విజయ్ దేవరకొండ కి మంచి ఫ్యాన్ ఫాలోయింగ్ ఉందన్న సంగతి తెలిసిందే. అందుకే నిర్మాతలు ఇలా ప్లాన్ చేస్తున్నట్టు తెలుస్తుంది.

• పులిజూదం  రివ్యూ కోసం ఇక్కడ క్లిక్ చెయ్యండి 
• చీకటి గదిలో చితక్కొట్టుడు రివ్యూ కోసం ఇక్కడ క్లిక్ చెయ్యండి
• వినరా సోదర వీర కుమారా సినిమా రివ్యూ కోసం ఇక్కడ క్లిక్ చెయ్యండి  
• వేర్ ఈజ్ ది వెంకటలక్ష్మి  రివ్యూ కోసం ఇక్కడ క్లిక్ చెయ్యం

అన్ని సినిమాలు ఏప్రిల్, మే మొదటి మూడు వారాల్లోనే విడుదలైపోతున్నాయి కాబట్టి… పెద్దగా సినిమాలేవీ దగ్గరలో లేకపోవడం .. ‘డియర్ కామ్రేడ్’ కి కలిసొచ్చే అంశమని చెప్పుకోవచ్చు. అయితే అనుకోకుండా ‘ఎన్జీకే’ చిత్రం కూడా ఇదే డేట్ ను ఫిక్స్ చేసుకోవడం కాస్త ఆలోచించతగ్గ విషయం. సెల్వ రాఘవన్ డైరెక్షన్లో తెరకెక్కిన ఈ చిత్రం అనేక కారణాల వలన వాయిదా పడుతూ వచ్చి, చివరికి ఈ డేట్ ని లాక్ చేసుకుంది. తెలుగు,తమిళ్ లో సూర్యకి క్రేజ్ గురించి ప్రత్యేకంగా చెప్పనక్కర్లేదు. అందులోనూ ఈ చిత్రంలో సాయి పల్లవి కూడా ఓ హీరోయిన్ గా నటిస్తుంది. ఈ రౌడీ బేబీ కోసం కూడా ప్రేక్షకులు థియేటర్లకు క్యూలుకట్టడం ఖాయంగా కనిపిస్తుంది. దీంతో విజయ్ దేవరకొండ ‘డియర్ కామ్రేడ్’ కి ‘ఎన్జీకే’ చిత్రం గట్టిపోటీ ఇవ్వడం ఖాయమనడంలో సందేహమే లేదు.