క్రైమ్‌ ఇన్వెస్టిగేషన్‌, క్రైమ్‌ బ్యాక్‌డ్రాప్‌ యాక్షన్‌ మూవీస్‌, పోలీసు సినిమాలకు ఓ ఆప్షన్‌ ఉంటుంది. అదే సీక్వెల్స్. అలాంటి సినిమాలకు ఈజీగా సీక్వెల్స్ ఈజీగా తెరకెక్కించొచ్చు. అంటే మరో క్రైమ్‌ సీన్‌ దొరికితే దాని నుండి కథ అల్లేయొచ్చు. సమాజంలో ఇలాంటి క్రైమ్స్‌కు కొదవలేదు అంటారు. అలా ఇప్పుడు వరుస సీక్వెల్స్‌కు సిద్ధమవుతున్న మరో సినిమా ‘యశోద’. దీనికి సీక్వెల్స్ ఎప్పుడు స్టార్ట్‌ అవుతుంది, ఎప్పుడొస్తుంది లాంటి ప్రశ్నలు ఇప్పుడు అడగొద్దు కానీ.. అవకాశం ఉందని మాత్రం తెలుస్తోంది.
సమంత ప్రధాన పాత్రలో హరి – హరీశ్ తెరకెక్కిన సినిమా ‘యశోద’. ఇటీవల విడుదలైన ఈ సినిమా ఇటీవల విడుదలై మంచి టాక్‌ సంపాదించుకుంది. ‘యశోద’ సక్సెస్ మీట్‌లో సీక్వెల్ ఐడియా రెడీగా ఉన్నట్లు దర్శకులు హరి, హరీష్ చెప్పడంతో మరిన్నిసార్లు సమంత ‘యశోద’గా వస్తుంది అంటూ అభిమానులు ఆనందపడుతున్నారు. ‘యశోద 2’ సినిమా విషయంలో మాకు ఓ ఐడియా ఉంది. అయితే ఇది కేవలం ఒక పార్టుకు మాత్రమే కాదు.. ఆ తర్వాత మరిన్ని పార్ట్స్‌ వచ్చేలా ప్లాన్స్‌ ఉన్నాయట. అయితే ‘యశోద’ సీక్వెల్స్ సెట్స్ మీదకు ఎప్పుడు వెళ్లేది అనే విషయం సమంత చేతుల్లో ఉందని హరి – హరీశ్ అంటున్నారు.
సమంత ఆరోగ్యం కుదుటపడ్డాక సీక్వెల్ స్టోరీని నెరేట్‌ చేస్తామని దర్శకద్వయం అంటున్నారు. అంతేకాదు సీక్వెల్ తీయడానికి నిర్మాత శివలెంక కృష్ణ ప్రసాద్ కూడా రెడీగా ఉన్నారట. ‘‘ప్రపంచంలో ఎప్పటికప్పుడు కొత్తగా క్రైమ్స్ పుట్టుకొస్తున్నాయి. వాటికి పరిష్కరాలూ ఎవరో ఒకరు తీసుకొస్తారు. ‘యశోద’ సీక్వెల్స్ వాటి నుండే రావొచ్చు’’ అని నిర్మాత అన్నారు.
ఇదంతా చూస్తుంటే యశోద సినిమాటిక్‌ యూనివర్స్‌ ముద్దుగా యశోదవెర్స్‌ / సామ్‌వర్స్‌ తెరకెక్కినా ఆశ్చర్యపోనక్కర్లేదు. ముందుగా చెప్పినట్లు ఇలాంటి కథలకు మంచి స్పందన వస్తుంది ప్రేక్షకుల నుండి. అయితే ఇదంతా సమంత కుదుటపడ్డాకే అనేది గమనించాలి. అభిమానులకు ఇలాంటి సినిమాలను ఇవ్వడానికైనా సమంత త్వరగా కోలుకోవాలి. బీ బ్రేవ్‌ అండ్‌ కమ్‌ బ్యాక్‌ స్ట్రాంగర్‌ సామ్‌.
యశోద సినిమా రివ్యూ& రేటింగ్!
సరోగసి నేపథ్యంలో వచ్చిన సినిమాలు ఏంటంటే..?
‘కె.జి.ఎఫ్’ టు ‘కాంతార’..బాక్సాఫీస్ వద్ద అత్యధిక కలెక్షన్లు రాబట్టిన కన్నడ సినిమాల లిస్ట్..!
నరేష్ మాత్రమే కాదు ఆ హీరోలు కూడా భార్యలు ఉన్నప్పటికీ హీరోయిన్లతో ఎఫైర్లు నడిపారట..!
