రెండో రోజు కూడా అదే దూకుడు చూపిస్తున్న ‘ఇస్మార్ట్ శంకర్’

ఎనర్జిటిక్ స్టార్ రామ్ హీరోగా డాషింగ్ డైరెక్టర్ పూరిజగన్నాథ్ తెరకెక్కించిన చిత్రం ‘ఇస్మార్ట్ శంకర్’. గత కొంత కాలంగా సరైన హిట్టు లేక సో.. సో సినిమాలతో లాగించేస్తున్న రామ్,పూరి లు ఎంతో కసిగా ఈ చిత్రాన్ని చేసారు. మొదటి షో నుండే ఈ చిత్రానికి పాజిటివ్ టాక్ రావడంతో ఓపెనింగ్స్ అదిరిపోయాయి. రామ్ కెరీర్లో మొదటి రోజు బెస్ట్ ఓపెనింగ్స్ ను సాధించింది ‘ఇస్మార్ట్ శంకర్’ చిత్రం. తెలంగాణ యాసతో.. రామ్ ను ఊర మాస్ గా చూపించాడు పూరి. దీంతో మాస్ సెంటర్స్ లో ఈ చిత్రం ఇరక్కొట్టేస్తుంది. ఇక ‘ఇస్మార్ట్ శంకర్’ రెండో రోజుల తెలుగు రాష్ట్రాల కలెక్షన్ల వివరాలు ఈ విధంగా ఉన్నాయి :

నైజాం – 1.96 కోట్లు
సీడెడ్ – 0.70 కోట్లు
వైజాగ్ – 0.52 కోట్లు

ఈస్ట్ – 0.29 కోట్లు
కృష్ణా – 0.25 కోట్లు
గుంటూరు – 0.24 కోట్లు

వెస్ట్ – 0.21 కోట్లు
నెల్లూరు – 0.12 కోట్లు
—————————————————–
ఏపీ + తెలంగాణ – 4.28 కోట్లు

‘ఇస్మార్ట్ శంకర్’ చిత్రానికి థియేట్రికల్ బిజినెస్ 17 కోట్లకు జరిగింది. తెలుగు రాష్ట్రాల్లో ఈ చిత్రానికి రెండు రోజులు కలిపి 11.84 కోట్ల షేర్ వచ్చింది. ఓవర్సీస్ కలెక్షన్లు ఇంకా తెలియాల్సి ఉంది. ఈ చిత్రం బ్రేక్ ఈవెన్ కావాలంటే మరో 6 కోట్ల వరకూ రాబట్టాల్సి ఉంది. రెండో రోజు కూడా యమ స్ట్రాంగ్ గా ఉంది కాబట్టి… వీకెండ్ పూర్తయ్యే సరికి బ్రేక్ ఈవెన్ అయిపోయేట్టే కనిపిస్తుంది. ‘టెంపర్’ తర్వాత హిట్టు లేదని బాధ పడిన పూరి.. ఆ చిత్రాన్ని మించే హిట్టే కొట్టాడని చెప్పాలి.