ఇద్దరి అంగీకారంతోనే అది జరుగుతుంది : రష్మీ

సినీ పరిశ్రమలో అడుగు పెట్టి మొదటి సినిమాతో స్టార్ హీరోయిన్ స్థాయి పొందే వారు ఒక వర్గం. ఎన్నోయేళ్లకి పేరు తెచ్చుకునే వారు రెండో వర్గం. రెండో వర్గానికి చెందిన నటి రష్మి. పదేళ్ల క్రితమే సినిమాలో ఎంట్రీ ఇచ్చినప్పటికీ మంచి బ్రేక్ అందుకోవడానికి పదేళ్లు పట్టింది. జబర్దస్త్ షో ద్వారా వెలుగులోకి వచ్చిన ఈ భామ గుంటూరు టాకీస్ మూవీతో మంచి పేరు దక్కించుకుంది. లో బడ్జెట్ చిత్రాలకు పెద్ద హీరోయిన్ గా పేరు తెచ్చుకుంది. రీసెంట్ గా అంతకు మించి సినిమా లో అందాలను ఆరబోసింది. ఆమె పోస్టర్స్ చూసి యువత సినిమాకి వెళ్లారంటే ఆమె క్రేజ్ ఎలా అందో అర్ధం చేసుకోవచ్చు. ఈ సందర్భంగా మీడియా ముందుకు వచ్చిన ఆమె “క్యాస్టింగ్ కౌచ్” పై సంచలన వ్యాఖ్యలు చేసింది.

అవకాశం కోసం వెళ్లడమన్నది తన దృష్టిలో ఒక చాయిస్ మాత్రమేనని, దాన్ని తాను గౌరవిస్తానని చెప్పింది. కెరీర్ బాగుంటుందనిపిస్తే, క్యాస్టింగ్ కౌచ్ కి అంగీకరించడంలో తప్పేమీ లేదని అభిప్రాయపడింది. క్యాస్టింగ్ కౌచ్ అనేది ఇద్దరి వ్యక్తిగత విషయమని, వారిద్దరి అంగీకారంతోనే జరుగుతుందని, దాన్ని కాస్టింగ్ కౌచ్ అని ఎలా చెప్పగలమని ప్రశ్నించింది. ఆ బంధాన్ని వాళ్లు ఎంజాయ్ చేసి, ఆపై బయటకు వచ్చి గొడవ చేయడం ఏంటని బోల్డ్ గా మాట్లాడింది. అవకాశాలు ఇస్తామంటే, ఆశపడి వెళ్లిన తర్వాత, మళ్లీ గోల పెట్టాల్సిన అవసరం లేదని శ్రీ రెడ్డి ని పరోక్షంగా విమర్శించింది. నిర్మాతలతో తనకు రెమ్యునరేషన్ విషయంలోనే విభేదాలు వచ్చాయి తప్ప.. తనతో మాత్రం ఏ నిర్మాత కూడా తప్పుగా ప్రవర్తించలేదని చెప్పింది.