Jagapathi babu: చిప్పలో గంజినీళ్లు తాగుతూ.. స్వేచ్ఛగా

May 21, 2021 / 10:26 AM ISTByFilmy Focus

Join Us

Jagapathi babu: చిప్పలో గంజినీళ్లు తాగుతూ.. స్వేచ్ఛగా

జగపతిబాబు ఫ్యామిలీ హీరో అయినప్పటికీ ఆయన మాటలు చాలా బోల్డ్ గా ఉంటాయి. ఇక పర్సనల్ లైఫ్ లో సింపుల్ గా ఉండటానికి ఎక్కువగా ఇష్టపడతారు. వీలైనంత వరకు పార్టీలకు వేడుకలకు దూరంగా ఉంటూ తన పని తాను చేసుకుంటూ వెళతాడు. ఎలాంటి సినిమా చేసినా కూడా పాత్రకు పూర్తి స్థాయిలో న్యాయం చేయాలని కష్టపడుతుంటాడు. ఇక ఇటీవల ఆయన ఇచ్చిన ఒక సందేశం సోషల్ మీడియాలో వైరల్ గా మారింది.

ప్రస్తుతం కరోనా వైరస్ కారణంగా ఎక్కడి వారు అక్కడే క్వారంటైన్ లో బందించబడిన విషయం తెలిసిందే. ఇక ఆ విషయాన్ని గుర్తు చేస్తూ ఇది మనం చేసుకున్న తప్పే అని అన్నారు. మనకు స్వేచ్ఛ రావాలి అంటే ప్రకృతి బ్రతికితేనే ఆరోగ్యంగా ఉంటామని తెలిపారు. తన ఫామ్ హౌజ్ లో ఉంటున్న జగ్గూభాయ్ అందరికి అర్ధమయ్యే విజువల్స్ తో వీడియోను విడుదల చేశారు. ఇక జగపతిబాబు ఎంత సింపుల్ లైఫ్ ను ఇష్టపడతారో ఈ వీడియో ద్వారా మరోసారి అర్ధమయ్యింది.

ఫామ్ హౌజ్ లో ప్రకృతి పరమైన ఆరోగ్యకరమైన్ ఫుడ్ తీసుకుంటున్నారు. మట్టి చిప్పలో గంజినీళ్లు, మజ్జిగ, పచ్చి మిరపకాయాలు, ఉల్లిపాయలు.. వంటి నేచురల్ ఫుడ్ తో కాలాన్ని గడిపేస్తున్నారు. ఇలా ప్రకృతితో కలిసి బ్రతికితే ఆరోగ్యంతో పాటు కాస్త స్వేచ్ఛ దొరుకుతుందని వివరణ ఇచ్చే ప్రయత్నం చేశారు.