బసి రెడ్డి పాత్రలో ఒదిగిపోయిన జగపతి బాబు

“మంచి పాత్రలు పోషించినప్పుడు నన్ను ఎవరూ గుర్తుపెట్టుకోలేదు.. కానీ నెగటివ్ రోల్స్ చేస్తున్నప్పుడు అవార్డులు.. అభినందనలు ఎక్కువగా వస్తున్నాయి” అని జగపతి బాబు ఓ అవార్డు వేడుక వేదికపై అన్నారు. అది వందశాతం నిజం అని ఇప్పుడు మరోసారి నిరూపితమైంది. లెజెండ్ సినిమాతో విలన్ గా అవతారమెత్తిన ఈ హీరో… హీరోలతో పోటీ పడి నటించి అదరగొడుతున్నారు. లెజెండ్ సినిమా తర్వాత రంగస్థలం సినిమాలో ఫణింద్ర భూపతిగా మెప్పించారు. ఆ రోల్ సినీ ప్రేక్షకుల మదిలో చెదిరిపోకముందే అరవింద సమేత లో బసి రెడ్డి గా బలమైన ముద్ర ఇచ్చారు. భయంకరమైన ఫ్యాక్షనిస్టుగా అతని నటన అమోఘం.

ఈ సినిమా గురించి మాట్లాడుకునేటప్పుడు ఎన్టీఆర్, త్రివిక్రమ్ తర్వాత జగపతి బాబు పేరే ప్రస్తావనకు వస్తోంది. రాయల సీమ యాసలో అతను డైలాగ్ చెప్పడం… బాడీ లాంగ్వేజ్ లోను వైవిద్యం చూపించి ప్రశంసలు అందుకుంటున్నారు. జగపతిబాబు గారు ఆశ్చర్యకరమైన నటనని ప్రదర్శించారని రాజమౌళి అభినందించారు. రాశీ ఖన్నా అయితే “జగపతి బాబు గారు అయితే ఎక్కువకాలం మైండ్ లో ఉండిపోతారు” అంటూ ట్వీట్ చేసింది. ఇలా బసి రెడ్డి పాత్రలో జగపతి బాబు ఒదిగిపోయారంటూ కితాబు ఇస్తున్నారు. ఈ రోల్ అతని కెరీర్ మైలేజ్ ని మరింత పెంచిందని సినీ విశ్లేషకులు చెప్పారు.