జీసస్ పాత్రలో జగపతిబాబు!

January 25, 2021 / 12:29 PM IST

Join Us

ఒకప్పుడు క్లాస్ రోల్స్ తో ఎంతగానో క్రేజ్ అందుకున్న జగపతి బాబు గతకొంత కాలంగా మాత్రం నెవర్ బిఫోర్ అనే పాత్రలతో క్రేజ్ అందుకుంటున్న విషయం తెలిసిందే. కేవలం సపోర్టింగ్ రోల్స్ తోనే కాకుండా నెగిటివ్ పాత్రలతో కూడా షాక్ ఇస్తున్నాడు. ఇక త్వరలో మరో సరికొత్త జానర్ ను టచ్ చేయబోతున్నట్లు తెలుస్తోంది. జగ్గూభాయ్ అందుకు సంబంధించిన ఒక ట్వీట్ కూడా వేశాడు. సినిమా చేస్తున్నాడా లేక మరేదైనా వెబ్ సిరీస్ చేస్తున్నాడో తెలియదు గాని యేసుప్రబువుగా ఉన్న ఫొటోను సోషల్ మీడియాలో పోస్ట్ చేశాడు.

అది మార్ఫింగ్ ఫొటో అని క్లారిటీగా అర్ధమయ్యింది. అయితే జగ్గూభాయ్ త్వరలో అలాంటి పాత్రలో కూడా కనిపిస్తాడా అని నెటిజన్లు కామెంట్స్ చేస్తున్నారు. రక్తంతో శిలువపై జీసస్ పాత్రలో ఉన్నట్లు ఉన్న ఆ ఫొటో ట్విట్టర్ లో అయితే బాగానే వైరల్ అవుతోంది. చూస్తుంటే జగ్గూభాయ్ మరో ప్రయోగానికి సిద్ధమైనట్లు టాక్ వస్తోంది. ఇక ఇటీవల FCUK అనే మరో సినిమా ట్రైలర్ తో షాక్ ఇచ్చిన విషయం తెలిసిందే.

అందులో ఆయన కాస్త రొమాన్స్ డోస్ పెంచినట్లు అనిపించింది. అలాగే మరికొన్ని పెద్ద సినిమాల్లో కూడా జగపతిబాబు కీలక పాత్రల్లో కనిపించనున్నాడు. నాని టక్ జగదీష్, అల్లు అర్జున్ పుష్ప సినిమాలతో పాటు నాగశౌర్య లక్ష్య సినిమాలో కూడా జగపతిబాబు ముఖ్యమైన పాత్రల్లో కనిపించనున్నాడు.