మెగాస్టార్ చిరంజీవి నటించనున్న 150 వ చిత్రం ఇటీవలే పూజా కార్యక్రమాలతో లాంఛనంగా ప్రారంభం అయ్యింది. ఈ చిత్రానికి దేవి శ్రీ ప్రసాద్ స్వరాలు అందిస్తుండగా.. మ్యూజిక్ వర్క్స్ ప్రారంభించినట్లు దేవి తన ట్విట్టర్ ఖాతాలో పేర్కొన్నారు. మరోవైపు ఈ చిత్రంలో జగపతి బాబు ప్రతినాయకుడి పాత్ర పోషించనున్నట్లు వార్తలు వినవస్తున్నాయి.
అయితే ఈ చిత్రంలో ప్రతినాయకుడిగా వివేక్ ఒబెరాయ్ పేరు ముందుగా అనుకున్నప్పటికీ.. స్థానిక నటుడు అయితే బాగుంటుందనే ఉద్దేశ్యంతో జగ్గుభాయ్ ను ఎంపిక చేశారని అంటున్నారు. దీనిపై అధికారిక ప్రకటన వెలువడాల్సి ఉంది. కాగా విలన్ గా సెకండ్ ఇన్నింగ్స్ మొదలు పెట్టిన జగపతి బాబుకు దక్షిణాది చిత్రాల్లో నటించడానికి ఆఫర్లు వెల్లువెత్తుతున్నాయి. ప్రస్తుతం ఆయన పలు చిత్రాల్లో విలన్ గా నటిస్తున్నారు.
Home