శోభన్ బాబు తరువాత ఆ స్థాయిలో ఫ్యామిలీ స్టార్ గా ఎదిగిన మ్యాన్లీ స్టార్ మన జగపతి బాబు. అప్పట్లో హీరోగా ఎన్నో సూపర్ హిట్ చిత్రాల్లో నటించాడు మన జగపతి బాబు. ఈయనకి లేడీస్ ఫ్యాన్ ఫాలోయింగ్ కూడా ఓ రేంజ్లో ఉండేది. ఒకానొక టైములో స్టార్ హీరోగా కూడా ఓ వెలుగు వెలిగాడు కూడా.! అయితే అటు తరువాత కొత్త హీరోల ఎంట్రీ ఎక్కువవ్వడం.. అదే టైములో జగపతి బాబు నటించిన సినిమాలు కూడా నిరాశపరచడంతో ఈయన స్పీడ్ కు బ్రేకులు పడినట్టు అయ్యింది.
దాంతో ఇక ఏమాత్రం ఆలస్యం చెయ్యకుండా.. విలన్ గా క్యారెక్టర్ ఆర్టిస్ట్ గా సెకండ్ ఇన్నింగ్స్ మొదలుపెట్టేశాడు జగపతి బాబు. హీరోగా ఉన్నప్పటి కంటే విలన్ గా, క్యారెక్టర్ ఆర్టిస్ట్ గా మారినప్పుడే జగపతి బాబు ఫ్యాన్ ఫాలోయింగ్ మరియు అతని డిమాండ్ మరింత పెరిగిందని చెప్పొచ్చు. ఇక అసలు విషయం ఏమిటంటే.. జగపతి బాబు ఇప్పుడు మరో మెగా ఆఫర్ కొట్టేసినట్టు తాజా సమాచారం. వివరాల్లోకి వెళితే.. మెగాస్టార్ చిరంజీవి హీరోగా మోహన్ రాజా డైరెక్షన్లో ‘లూసిఫర్’ రీమేక్ తెరకెక్కనున్న సంగతి తెలిసిందే. ఈ చిత్రంలో స్టైలిష్ విలన్ పాత్ర ఒకటి ఉంటుంది.
రాజకీయ నాయకులను సైతం శాసించే బిజినెస్ మెన్ తరహా పాత్ర అది. ఒరిజినల్ లో ఆ పాత్రను వివేక్ ఒబెరాయ్ పోషించాడు. అయితే తెలుగులో ఆ పాత్రకు జగపతి బాబు అయితేనే కరెక్ట్ అని మెగాస్టార్ భావిస్తున్నారట.దాదాపు ఆ పాత్రకు జగపతి బాబు ఫిక్స్ అయినట్టే అని ఇన్సైడ్ టాక్. గతంలో దర్శకుడు మోహన్ రాజాతో తెరకెక్కించిన ‘హనుమాన్ జంక్షన్’ అనే సూపర్ హిట్ చిత్రంలో జగపతి బాబు కూడా ఓ హీరోగా నటించిన సంగతి తెలిసిందే. ఇక ‘సైరా’ చిత్రంలో కూడా మెగాస్టార్ తో కలిసి నటించాడు జగపతి బాబు.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
